4 months ago
March 5, 2025
काठमाडौं (हाम्रो खेलकुद)- युगान्डा हुने उमन्स डे कप टि ट्वान्टी क्रिकेट खेल्न जाने नेपाली राष्ट्रिय क्रिकेट टोलीलाई बिदाइ गरिएको छ।
नेपाल क्रिकेट संघ (क्यान) का सचिव पारस खड्का र प्रवक्ता छुम्पी लामाले टोलीलाई बुधवार बिदाइ गरे।
सचिव खड्काले विश्व कप छनोट अगाडि तयारीको रुपमा नेपाली महिला टोलीलाई राष्ट्रिय र अन्तर्राष्ट्रिय एक्सपोजर बढी भन्दा बढी उपलब्ध गराउने योजना अनुरुप यो सिरज रहेको बताए।
उनले नेपाली महिला टोलीलाई अहिले मुल्याङ्कन गर्न थालिएको र टोली अहिले पुर्ननिर्माणको चरणमा रहेको पनि बताए। उनले टोलीलाई जितको लागि शुभकामना दिए।
प्रमुख प्रशिक्षक मनोज कटुवालले छोटो समयको प्रशिक्षणमा फिटनेस र फिल्डिङमा नै केन्द्रीत भएको बताए। उनले क्यानले उपलब्ध गराएको ट्रेनरले पनि टोलीलाई धेरै सहयोग पुगेको जानकारी दिए।
उनले यसअघि टियु मैदानमा त्रिकोणात्मक सिरजमा ६ खेलमा हारेपनि यो पटक जित्नेमा टोली विश्वस्त रहेको बताए। कटुवालले अनुभवी र युवाको समिश्रणले यो पटक टोली मजबुत रहेको पनि बताए।
कप्तान इन्दु बर्माले राम्रो क्रिकेट खेलेर फर्किने बताइन्।
यो पटक टिममा युवा प्रतिभाशाली खेलाडी साना प्रविन र रिया शर्माले पहिलो पटक राष्ट्रिय टिममा स्थान बनाएका छन्।
यो पटक नियमित तथा अनुभवी खेलाडी सीता राना मगरसँगै कविता कुँवर पहिलो चरणको प्रशिक्षणमा नै सामेल थिएनन्। उनीहरु चोटको कारण टिममा नरहेको प्रशिक्षक कटवलाले बताए।
फागुन २४ देखि चैत ३ गतेसम्म हुने (मार्च ८ देखि १६ सम्म ) उमन्स डे कपमा नेपाल सहित आयोजक युगान्डा, नामिबिया र हङकङको सहभागिता रहनेछ।
यी चार राष्ट्रले डबल राउन्ड रोबिनको आधारमा खेल्नेछन्। शीर्ष दुई टोलीले फाइनल खेल्नेछन्। नेपालले पहिलो खेल शनिवार नामिबियासँग खेल्नेछ ।
July 15, 2025
काठमाडौं (हाम्रो खेलकुद) – सातौं मेयर कप सप्तरी प्राइड लिग (एसपिएल) को सेमिफाइनल समीकरण पूरा भएको छ। सप्तरीको राजविराजमा जारी एसपिएलको मंगलवारको नतिजापछि सेमिफाइनल समीकरण पूरा भएको छ। आजको खेल जित्दै कन्चनरुप राइनोज समूह ‘ए’ को तथा खडक वारियर्स समूह ‘बी’ को उपविजेताको रुपमा अन्तिम चारमा पुगेका हुन्। पबी स्कुलमा भएको पहिलो खेलमा हनुमाननगर हिरोजलाई […]
July 15, 2025
एजेन्सी – दक्षिण अफ्रिकाले घरेलु टोली जिम्बाब्वेलाई त्रिकोणात्मक टि ट्वान्टी आई सिरिजको पहिलो खेलमा पराजित गरेको छ । जिम्बाब्वेको हारारे स्पोर्टस क्लबमा सोमवार भएको खेलमा दक्षिण अफ्रिका ५ विकेटले विजयी भयो । सिरिजमा न्युजिल्याण्ड पनि सहभागी छ । १ सय ४२ रनको लक्ष्य दक्षिण अफ्रिकाले १५.५ ओभरमा ५ विकेट गुमाएर पूरा गर्यो । दक्षिण अफ्रिकाको […]
July 15, 2025
एजेन्सी – पाहुना टोली अस्ट्रेलियाले वेस्ट इण्डिजविरुद्धको ३ टेस्टको सिरिजमा क्लिन स्विप गरेको छ । तेस्रो टेस्ट मंगलवार सहजै जितेपछि अस्ट्रेलियाले सिरिज ३-० ले जितेको हो । २ सय ४ रनको लक्ष्य पछ्याएको घरेलु टोली मात्र २७ रनमा अल आउट भयो । जस्टिन ग्रेभ्स सर्वाधिक ११ रनमा आउट भए । ७ ब्याटर रनको खाता नखोल्दै […]
