एजेन्सी – रचिन रविन्द्र र केन विलियम्सनको सानदार साझेदारीमा न्युजिल्याण्डले च्याम्पियन्स ट्रफीको सेमिफाइनलमा दक्षिण अफ्रिकालाई जितको लागि ३ सय ६३ रनको विशाल चुनौती दिएको छ।

लाहोरको गद्दाफी स्टेडियममा टस जितेर पहिले ब्याटिङ गर्यो। निर्धारित ५० ओभरको खेलमा ६ विकेट गुमाउँदै ३ सय ६२ रनको सानदार योगफल बनायो।

विल योङ्ग २१ रनना आउट हुँदा पहिलो विकेटको रूपमा आउट भए। यतिखेर न्युजिल्यान्डले ४८ रन मात्र बनायो। यसपछि रचिन र विलियम्सनले दोस्रो विकेटको लागि १६४ रनको सानदार साझेदारी गरे। यो सँगै न्युजिल्यान्ड ठुलो स्कोर तर्फ अगाडि बढ्यो।

दुवैले शतकीय पारी खेले। राचिनले १ सय १ बलबाट १३ चौका र १ छक्का सहित १ सय ८ रनको उत्कृष्ट पारी खेले। विलियाम्सनले ९४ बल खेल्दै १० चौका र २ छकमका सहित १ सय २ रनको उत्कृष्ट पारी खेले।

डारियल मिचेलले अर्धशतकबाट १ रनले चुके। उनी ४९ रनमा आउट भए। यसपछि ग्लेन फिलिप्सले २७ बलबाट ६ चेका र १ छक्का सहित अविजित ४९ रन बनाए।

बलिङमा दक्षिण अफ्रिका फितलो रहयो। लुङ्गी एनगिडीले ३ विकेट र कागिसो राबडाले २ विकेट लिए।

हिजो भएको सेमिफाइनलमा भारतले अष्ट्रेलियालाई हराएपछि फाइनल खेल दुबईमा हुने निश्चित भएको छ। आजको खेल विजेता फेरि दुबई उड्नेछ। आजको विजेता र भारतबीच च्याम्पियन्स ट्रफीको उपाधिका लागि प्रतिस्पर्धा हुनेछ।