सुमन अधिकारी ,बुटवल

प्रधानमन्त्री कप एकदिवसीय पुरुष राष्ट्रिय क्रिकेट प्रतियोगितामा सहभागी हुने लुम्बिनी प्रदेशको टिमको नेतृत्व देव खनालले गर्ने भएका छन् ।

लुम्बिनी प्रदेश क्रिकेट संघले शुक्रवार देवको कप्तानीमा १५ सदस्यीय टोलीको घोषणा गरेको हो ।

संघका सचिव कैलाश रोक्का मगरका अनुसार नेपाली अन्डर–१९ का कप्तान समेत रहेका देवको कप्तानीमा १५ सदस्यीय टोलीको घोषणा गरिएको छ ।

टिममा आकाश त्रिपाठी, मिन्राल गुरुङ, प्रज्वल थापा मनिश थापा, सम्राट भुसाल, सुशान्तसिंह थापा, नरबहादुर सार्की, विरबहादुर घर्ती, रमेश कुर्मी, निर्मल गुरुङ, अजय चौहान, कृष्ण कार्की, सल्लाउदिन खान र विर्पशन केसी रहेका छन् ।

अतिक्ति खेलाडीमा तुलबहादुर थापा, राजेन्द्र वम, रौनक श्रीवास्तव, दिनेश बोहोरा र मो। हुसेन छनौट भएका सचिव रोक्काले जनाएका छन् ।

टिमको प्रशिक्षकमा बसन्त शाही, टिम म्यानेजरमा शंकर राना र भिडीयो एनालिास्टमा कृष्ण भुसाल रहेको संघले जनाएको छ । लुम्बिनीले पहिलो खेल उद्घाटनका दिन कोशी प्रदेशसंग सिद्धार्थ रंगशालामा खेल्ने छ ।

प्रतियोगिताको उद्घाटन तिलोात्तमामा रहेको एक्स्ट्राटेक ओवल क्रिकेट मैदानमा आइतवार सुरु हुदैछ ।

प्रतियोगिताका सबै पहिलो पटक काठमाडौं बाहिर लुम्बिनी प्रदेशका दुई जिल्लामा हुदैछ । जसमा रुपन्देही तिलोत्तमाको एक्स्ट्राटेक ओवल क्रिकेट मैदान र भैरहवाको सिद्धार्थ रंगशाला तथा दाङ लमहीको क्रिकेट मैदानमा हुदैछ ।

जसमा एक्ट्राटेकमा १५, भैरहवामा १७ र लमहिमा १४ खेल हुने छ । प्रतियोगिताको फाइनल भैरहवामा हुनेछ । प्रतियोगितामा ७ प्रदेश र ३ विभागीय सहित १० टोलीको सहभागिता रहेको छ ।