काठमाडौं(हाम्रो खेलकुद) – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिताका लागि मधेश प्रदेशको टोली घोषणा भएको छ ।

मधेश प्रदेश क्रिकेट संघले शनिवार अनिल शाहको कप्तानीमा १५ सदस्यीय टोलीको घोषणा गरेको छ । नेपाल प्रिमियर लिग(एनपिएल) का क्रममा घाइते बनेका अनिलले टोलीको कप्तानका रुपमा पुनरागमन गरेका छन् । अनिलले केही महिना अघि भएको जय ट्रफी मेन्स एलिट कप गुमाएका थिए । गत संस्करणको पिएम कपमा उत्कृष्ट प्रदर्शन गरेका पवनले लामो समय पछि घरेलु क्रिकेटमा पुनरागमन गरेका छन् ।

आइतवार सुरु हुने प्रतियोगिताको सबै खेल पहिलो पटक काठमाडौं बाहिर हुदैछ । यस संस्करणको प्रतियोगिता लुम्बिनी प्रदेशका ३ क्रिकेट मैदानमा हुँदैछ । प्रतियोगिताका खेलहरु रुपन्देहीका २ तथा दाङमा रहेको १ क्रिकेट मैदानमा हुदैछ ।

कर्णाली प्रदेशको पहिलो खेल मंगलवार कोशी प्रदेशसँग सिद्धार्थ रंगशालामा हुनेछ । प्रतियोगितामा ७ प्रदेश र ३ विभागीय टोली सहित १० टिमको सहभागीता रहेको छ ।

सिङ्गल राउण्ड रोबिनका आधारमा हुने प्रतियोगिताको शीर्ष २ टोलीबीचमा फाइनल खेल हुनेछ ।

मधेशको टोली

अनिल साह, पवन सरार्फ, मयन यादव, कमल गुप्ता, निखिल सिंह, रञ्जित कुमार, राजेश यादव, विशाल पटेल, रोहन विक, प्रदिप पासवान, रुपेश सिंह, दिपेश दास, हरिशंकर साह, शैलेन्द्र साह र सन्नी साह

टिम मुख्य प्रशिक्षकमा सुनिल साह तथा सहायक प्रशिक्षकमा शिब तण्डुकार रहेका छन् ।