काठमाडौं (हाम्रो खेलकुद) – नेपाल प्रहरी खेलकुद समितिबाट पहिलो पटक आयोजित आइजिपी कप क्रिकेट प्रतियोगिताको पहिलो दिन सुदुरपश्चिम र लुम्बिनी प्रदेशले विजयी सुरुवात गरेका छन् ।

राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य-सचिव प्रहरी अतिरिक्त महानिरीक्षक सुदिप गिरीको प्रमुख आतिथ्यतामा सम्पन्न उद्घाटन समारोह मुलपानी क्रिकेट मैदानमा भएको थियो । उद्घाटन खेलका अम्पायर धर्म सुन्दर शाक्यलाई बल हस्तान्तरण गरी समुद्घाटन भएको कार्यक्रममा नेपाल प्रहरीका खेलाडीहरूले दिलाएको सफलताको स्मरण गर्दै प्रतियोगिता संचालनमा नेपाल क्रिकेट संघ (क्यान) ले गरेको सहयोग प्रति गिरीले कृतज्ञता व्यक्त गर्नुभयो ।

दिनको पहिलो खेलमा सुदूरपश्चिम प्रदेश प्रहरी कार्यालय टिमले कर्णाली प्रदेश प्रहरी कार्यालय टिमलाई १० विकेटले हरायो ।दोस्रो खेलमा लुम्बिनी प्रदेश प्रहरी कार्यालय टिमले बागमती प्रदेश प्रहरी कार्यालय टिममाथि ४ रनको रोमान्चक जित दर्ता गर्न सफल भएको थियो ।

लुम्बिनीका लागि युवराज सेन वलीले प्रतियोगिताको पहिलो अर्धशतक पुरा गरेका थिए । कुल १ सय ५९ रनको लक्ष्य पछ्याउने क्रममा बागमती प्रदेश अन्तिम ओभरमा ९ रन बनाउन नसक्दा हार बेहोरेको थियो ।

बागमतीका लागि विजय घलानले नट आउट ८२ रन र सविन घर्तिमगरले ५३ रनको योगदान दिए । हारका बाबजुद ३ विकेटसहित अलराउन्विड प्केरदर्टशन गरेका विजय खेलको म्यान अफ दि म्याच हुन सफल भए ।