9 months ago
March 12, 2025
काठमाडौं (हाम्रो खेलकुद)- प्रथम आइजिपी कप क्रिकेट प्रतियोगिता २०८१ को दोस्रो दिन बुधवार राष्ट्रिय प्रहरी प्रशिक्षण प्रतिष्ठान र मधेश प्रदेश प्रहरी कार्यालयले विजयी हुँदै सेमिफाइनलमा पुगेका छन्।
राष्ट्रिय प्रहरीले गण्डकी प्रदेश प्रहरी कार्यालयलाई ६ विकेटले हराएको छ। टस जितेर बलिङ रोजेको प्रशिक्षण प्रतिष्ठान टिमले गण्डकीलाई १९.४ ओभरमा अल आउट गर्दै ७६ रनमा समेट्यो ।
प्रशिक्षण प्रतिष्ठान पेश बलर कैलाश चन्द, हुकुमदेव साह तथा स्पिनर राजन भट्टराईले कसिलो बलिङ गरेपछि गण्डकी न्यून स्कोरमा समेटिएको हो । कैलाशले ४, हुकुमले ३ र राजनले २ विकेट लिए।
गण्डकीका लागि सुमित महर्जनले सर्वाधिक २८ रन जोडे । कप्तान रामबहादुर थापा र इन्द्रमणी घिमिरेले समान १० रन जोड्नुबाहेक अन्य ब्याटरले दोहोरो अंकको रन बनाउन सकेनन् ।
७७ रनको लक्ष्य पछ्याएको प्रशिक्षण प्रतिष्ठानले १३. ओभरमा ४ विकेट गुमाएर लक्ष्य भेट्टाएको थियो । उसका लागि कप्तान राजनले सर्वाधिक २२ रन बनाए। नरेन्द्र बहादुर चन्दले १८ र सागर कटुवालले १० रन जोडे ।
४ ओभरमा मात्र ९ रन खर्चिएर ४ विकेट लिएका प्रशिक्षण प्रतिष्ठानका कैलाश चन्द प्लेयर अफ दि म्याच भए ।
दोस्रो खेलमा मधेशले कोशी प्रदेश प्रहरी कार्यालयलाई १ सय २४ रनको फराकिलो अन्तरले हरायो । आइजिपी कप क्रिकेटमा दिपेश रायले पहिलो बनाएपछि शतक प्रहार गरेका मधेशले ४ विकेट गुमाएर १ सय ८८ रनको योगफल तयार गर्यो ।
२३ रनमा खेलिरहेका कप्तान कमलेस मण्डल धानुक रिटायर्ड हर्ट भएपछि क्रिजमा आएका दिपेश सुरुवातबाटै आक्रामक देखिए ।
१६ बलमा अर्धशतक प्रहार गरेका उनले ३४ बलमा शतक पूरा गरेका थिए । ४ चौका र ८ छक्कासहित उनले नटआउट १ सय ७ रनको योगदान गरे।
बलिङमा कोशीका दिपेश विश्वास २ , कलिम मन्सुरी र सागर राना मगरले समान १ विकेट लिए ।
१ सय ८९ रनको विशाल लक्ष्य पछ्याएको कोशी १८.४ ओभरमा सबै विकेट गुमाएर ६४ रनमा समेटियो।
मधेशका योगराज शर्माको धारिलो बलिङले कोशी धरासायी बनाएको थियो ।
मधेशका लागि योगराजले सर्वाधिक ४ विकेट लिए ।संजय , नवीन बैठा, कुन्दनकुमार झा र अजय ठाकुरले समान १ विकेट लिए। मधेशका दिपेश प्लेयर अफ दि म्याच घोषित भए ।
योसँगै सेमिफाइनल समीकरण पूरा भएको छ। सुदूर पश्चिम प्रदेश प्रहरी कार्यालय र लुम्बिनी प्रदेश प्रहरी कार्यालय हिजोको जितबाट अन्तिम चारमा पुगिसकेका छन् ।
चैत १ गते सेमिफाइनल सुदूर पश्चिम र लुम्बिनी तथा प्रशिक्षण प्रतिष्ठान र मधेशबिच हुनेछ। फाइनल चैत २ गते हुनेछ ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
