एजेन्सी – क्यानाडा क्रिकेट टोलीका कप्तान निकोलस किर्तनलाई बार्बाडोसमा प्रहरीले पक्राउ गरेको छ ।

नर्थ अमेरिकन कपको तयारीमा रहेका किर्तनलाई बार्बाडोस प्रहरीले गत आइतवार हिरासतमा लिएको बताइएको छ ।

‘क्रिकेट क्यानडालाई राष्ट्रिय टोलीका खेलाडी निकोलस किर्टनमाथि लागेको आरोप र हिरासतबारे जानकारी गराइएको छ,’बोर्डले जारी गरेको विज्ञप्तिमा भनिएको छ, ‘ हामी स्थितिको निगरानी गरिरहेका छौं र घटनाक्रमलाई नजिकबाट नियालिरहेका छौं । क्रिकेट क्यानडा पारदर्शिता सुनिश्चित गर्न प्रतिबद्ध छ । थप विवरण उपलब्ध भएपछि जानकारी गराइनेछ।’

क्यानडाको राष्ट्रिय पुरुष टोली नर्थ अमेरिकाज पको तयारीमा छ । अप्रिल १८ मा नर्थ अमेरिकाज कप केम्यान टापुमा सुरु हुनेछ।

पहिलो पटक आयोजना हुन लागेको नर्थ अमेरिकाज कपमा क्यानडाले बहामास, बर्मुडा, केम्यान आइल्यान्ड्स र अमेरिकासँग प्रतिस्पर्धा गर्नेछ ।

किर्तनले क्यानडाका लागि २१ ओडिआई खेलमा ५ सय १४ रन र २८ टि ट्वान्टी आई मा ६ सय २७ रन बनाएका छन् । उनले सन् २०२० मा क्यारेबियन प्रिमियर लिग (सिपीएल) को टोली जमैका तल्लावाह्सका लागि ३ खेल खेलेका थिए ।

क्यानडाबाट खेल्नु अघि किर्तनले वेस्ट इन्डिज यु–१९ र बार्बाडोसबाट खेलेका थिए ।