एजेन्सी – इण्डियन प्रिमियर लिग (आइपिएल) मा सनराइजर्स हैदराबादले गुजरात टाइटन्सलाई जितको लागि १ सय ५३ रनको सहज चुनौती दिएको छ।

राजीव गान्धी इन्टरनेशनल स्टेडियममा टस जितेर गुजरातले फिल्डिङ रोज्यो। पहिलो ब्याटिङ गरेको सनराइजर्सले २० ओभरमा ८ विकेट गुमाउँदै १ सय ५२ रन जोड्यो।

सनराइजर्सले खराब सुरूवात गर्यो। दुई ओपनर ट्राभिस हेड र अभिषेक शर्मा आउट हुँदा ३८ रन मात्र बनाएको थियो। ट्राभिस ८ रनमा, अभिषेक १८ रनमा मोहम्मद सिराजको बलमा आउट भए। लगत्तै तेस्रो विकेटको रुपमा इशान किशन पनि १७ रनमा नै आउट भए।

त्यसपछि हेनरिक क्लासेन र नितिश कुमार रेड्डीले चौथो विकेटको लागि ५० र को साझेदारी गरे। हेनरिक २७ रनमा आउट भए। उनलाई पछयाउँदै नितिश ३१ रनमा पबिलियन फर्किए। उनी नै सर्वाधिक रन जोड्ने खेलाडी बने।

सनराइजर्सले १ सय ५ रन जोड्दा ५ विकेट गुमाइसकेको थियो। त्यसपछि अन्य खेलाडीहरू पनि सस्तो रन रेटमा समेटिए। कप्तान प्याट क्युमिन्सले ९ बलबाट अविजित २२ रन जोडे।

बलिङमा सिराजको प्रदर्शन प्रभावशाली रहयो। उनले ४ ओभर बलिङ गर्दै मात्र १७ रन खर्चेर ४ विकेट लिए।
प्रसिद्ध कृष्ण र साई किशोरले समान विकेट झारे।

गुजरात तेस्रो जित निकाल्ने दाउमा छ। गुजरातसँग ४ अंक रहेको छ। सनराइजर्स भने लगातरको तेस्रो हारमा २ अंक सहि पुछारमा रहेको छ।

सनराइजर्स र गुजरातबीच अहिलेसम्म ४ पटक प्रतिस्पर्धा भएको छ। जसमा गुजरातले ३ खेलमा जित निकालेको छ। हैदराबादमा यी दुई टोलीबीचको पछिल्लो खेल भने वर्षाका कारण रद्द भएको थियो।