एजेन्सी – इण्डियन प्रिमियर लिग (आइपिएल) को २६ औं खेलमा आज गुजरात टाइटन्स र लखनउ सुपर जायन्ट्सबीच प्रतिस्पर्धा हुँदैछ।

लखनउस्थित अटल बिहारी बाजपेयी एकाना क्रिकेट स्टेडियममा नेपाली समयअनुसार खेल ३:४५ बजे सुरु हुनेछ।

शुभमन गिलको कप्तानीमा रहेको गुजरात टाइटन्स अहिले उत्कृष्ट लयमा देखिएको छ। सुरुवातमा पञ्जाब किंग्ससँग ११ रनले पराजित भएपनि सानदार कमब्याक गर्न सफल रहयो।

त्यसपछि लगातार ४ खेल जित्दै गुजरात अंक तालिकाको शीर्ष स्थानमा रहेको छ। पछिल्लो खेलमा गुजरातले अहमदाबादको नरेन्द्र मोदी स्टेडियममा राजस्थान रोयल्सलाई ५८ रनले पराजित गरेको थियो। गुजरात पाँचौं जित निकाल्ने दाउमा रहनेछ।

लखनउ सुपर जायन्ट्स अंक तालिकामा पाँचौं स्थानमा छ। कप्तान ऋषभ पन्तको प्रभावशाली प्रदर्शन आउन नसक्नु टिमको लागि चिन्ताको विषय हो।

उनले अहिलेसम्म जम्मा १९ रन मात्र बनाएका छन्। मिचेल मार्श र निकोलस पूरनले प्रदर्शन सम्हालिरहेका छन्। बलिङमा शार्दुल ठाकुर र दिग्वेश राठी प्रभावशाली देखिएका छन्।

गुजरातसँग ५ खेलमा ४ जित र १ हारपछि ८ अंक जोडेको छ । गुजरात लिगको शीर्षस्थानमा छ। लखनउले ५ खेलमा ३ मा जित र २ मा हार बेहोरेको छ। लखनउ ६ अंक सहित अंक तालिकाको छैटौं स्थानमा छ।