एजेन्सी – इण्डियन प्रिमियर लिग (आइपिएल) मा आज राजस्थान रोयल्स र रोयल च्यालेन्जर्स बैंगलुरु (आरसिबी) बीच खेल हुँदैछ।

जारी आइपिएलको यो २८ औं खेल हो। जयपुरस्थित सवाई मानसिंह स्टेडियममा नेपाली समयअनुसार दिउँसो ३:४५ खेल सुरु हुनेछ।

राजस्थान रोयल्सले यो सिजनको सुरुवाती २ खेल हारेको थियो। तर त्यसपछि चेन्नई सुपर किंग्स र पञ्जाब किंग्स विरुद्ध लगातार २ जित निकाल्दै लयमा फर्केको संकेत दिएको थियो।

तर पछिल्लो खेलमा भने गुजरात टाइटन्ससँग अहमदाबादमा ५८ रनको हार बेहोरेको थियो। कप्तान सञ्जु सामसनको नेतृत्वमा रहेको टोली आजको खेलमा पुनः जितको लय सामाउने प्रयासमा रहनेछ।

आरसिबी ५ खेलमा ३ जित र २ हारसहित अंक तालिकाको चौथो स्थानमा छ। दिल्ली क्यापिटल्ससँग घरेलु मैदानमा ६ विकेटको हार बेहोरेपछि आज जितको खोजीमा हुनेछ।

पछिल्लो हारमा भने आरसिबीले ब्याटिङमा निकै संघर्ष गरेको थियो। आज उसले ब्याटिङमा सुधारिएको प्रदर्शन गर्न जरुरी छ।

आरसिबी ६ अंकका साथ लिगको पाँचौं स्थानमा छ। राजस्थानसँग मात्र ४ अंक रहेको छ। दुवैले आज छैटौं खेल खेल्दैछन्।

यसअघि यी दुई टिमबीच ३२ पटक प्रतिस्पर्धा भएको छ। जहाँ राजस्थानले १४ र आरसिबीले १५ खेक जितेको छ। ३ खेलमा भने नतिजा आउन सकेको थिएन्।

आजै हुने दोस्रो खेलमा भने दिल्ली क्यापिटल्स र मुम्बई इण्डियन्सबीच हुनेछ।