एजेन्सी – गत वर्ष श्रेयस अय्यरको कप्तानीमा कोलकाता नाइट राइडर्सले इन्डियन प्रिमियर लिग (आइपिएल ) को उपाधि जितेको थियो।

यस पटक अय्यरले पन्जाब किंग्सको कप्तानी गरिरहेका छन्। उनको नेतृत्वमा पन्जाबले आज पूर्व टोली कोलकाताविरुद्ध खेल्दै। खेल नेपाली समयअनुसार साँझ ७:४५ बजे सुरु हुनेछ।

आइपिएलमा कोलकताले यो सिजन ६ खेलाडीलाई यथावत राख्दा अय्यर त्यो सूचीमा थिएनन्। नयाँ टोलीमा स्थानान्तरण र प्रशिक्षक रिक्की पोन्टिङसँगको पूनर्मिलनले अय्यरलाई आफ्नो उत्कृष्ट प्रदर्शन गर्न मद्दत गरेको छ।

आइपिएलको गत संस्करणमा अय्यरको स्ट्राइक रेट १४६.८६ थियो । यो सिजनमा उनले त्यसलाई बढाएर २०८.३३ पुर्‍याएका छन् । अय्यरले आफ्नो छोटो बलप्रतिको कमजोरी पनि पार गरेका छन्, र तीव्र गतिका बलरहरूलाई सजिलै सामना गरिरहेका छन्।

अय्यर र पन्जाबले आज यो सिजनकै सबैभन्दा प्रभावशाली स्पिन आक्रमणको सामना गर्नेछन्। अय्यरले कोलकाताको नेटमा सुनिल नारिन र वरुण चक्रवर्तीको बलिङको सामना गरेका थिए ।‌ उनी यो सिजन अहिलेसम्म स्पिन बलरबाट आउट भएका छैनन्। आज उनले कसरी स्पिनको सामना गर्नेछन् त्यो हेर्न लायक हुनेछ ।

नारिन र वरुणले कोलकातामा लागि स्पिनरले मौका पाउँदा ४९ ओभरमध्ये ४१ ओभर बलिङ गरेका छन्।

पन्जाब ५ खेलमा‌ ३ जितका साथ ६ अंकसहित छैटौं स्थानमा छ। ६ खेलमा ६ अंकसहित कोलकाता पाँचौं स्थानमा छ।