एजेन्सी – रोयल च्यालेन्जर्स बैंगलुरु (आरसिबी) र पन्जाब किंग्सले इन्डियन प्रिमियर लिग (आइपिएल) आज एक अर्काको सामना गर्नेछन्।

बैैंगलुरुस्थित एम चिन्नस्वामी मैदानमा खेल नेपाली समयअनुसार साँझ ७:४५ बजे सुरु हुनेछ। आरसिबीले यो सिजन घरेलु मैदानको फाइदा उठाउन सकेको छैन । टोलीले चार खेल बाहिरी मैदानमा जितेकाे छ ।

पन्जाबको सामना गर्दै टोलीलाई घरेलु मैदानमा जित दर्ता गर्ने मौका हुनेछ। तर त्यो सहज भने रहने छैन ।
पन्जाब सिजनको सबैभन्दा विस्फोटक पावरप्ले युनिट मध्ये एक हो ।

आरसिबीको तीव्र गतिका बलरले पनि घरेलुु मैदानमा संघर्ष गरिरहेका छन्। जोस हेजलवुडको समग्र प्रदर्शन राम्रो छ । तर घरेलु मैदानमा एउटा मात्र विकेट लिएका छन् त्यो पनि इकोनोमी १२.१ रहेको छ।

अर्को तर्फ पंजाबसग आक्रमण शैली छ। प्रियंश आर्य (२ सय १६ रन) र श्रेयस अय्यर (२ सय ५ रन) को प्रदर्शनले टोलीलाई उच्च मनोबल दिन्छ ।

त्यसमाथि पन्जाबले दुई दिनअघि कोलकाता नाइट राइडर्सविरुद्ध आइपिएल इतिहासकै सबैभन्दा सानो लक्ष्यको रक्षा गरेको थियो। त्यो जितमा प्लेयर अफ द म्याच भएका थिए युजवेन्द्र चहल । उनले ४ विकेट लिएर आफ्नो सिजन पुनर्जीवित गर्ने प्रयास गरेका छन् ।

८ सिजन आरसिबीका लागि खेलेका चहल चिन्नस्वामीमा आइपिएल इतिहासका सबैभन्दा धेरै विकेट लिने बलर हुन्।

यी दुई टोलीबीच आइपिएलमा अहिले सम्म ३३ खेल भएको छ। जसमा आरसिबीले २६ र पन्जाबले १७ खेल जितेको छ।

आइपिएलको अंक तालिकामा समान ८ अंकसहित आरसिबी तेस्रो र चौथो स्थानमा छ। आजको खेल जित्ने टोलीले शीर्ष स्थानको दिल्ली क्यापिटल्ससँग अंक बराबरी गर्नेछ।