एजेन्सी – इण्डियन प्रिमियर लिग (आइपिएल) मा कोलकाता नाइट राइडर्सले रोमाञ्चक प्रतिस्पर्धामा राजस्थान रोयल्सलाई १ रनको झिनो अन्तरले हराएको छ।

जितको लागि २ दय ७ रनको चुनौती पछाएको राजस्थान २० ओभरमा ८ विकेट गुमाउँदै २ सय ५ रनमा रोकियो। कोलकोताले १ रनले बाजी मार्यो।

टप अर्डरको प्रदर्शन फितलो रहयो। ८ रन जोड्दा २ विकेट गुमाइसकेको थियो। चौथो क्रमका कप्तान रियान पराग बाहेक अन्य खेलाडी क्रिजमा टिक्न सकेनन्।

रियान शतकबाट ५ रनले चुके। बिष्फोटक ब्याटिङ गरेको उनले ४५ बलमा ६ चौका र ८ छक्का सहित ९५ रनको पारी खेले। तर यो उनको प्रदर्शन जितको लागि प्रयाप्त भएन्।

यशस्वी जैसवलले ३४ रनमा र सिम्रन हेटमेयरले २९ रनमा आउट भए। शुभम दुबे र जोफ्रा आर्चर क्रिजमा थिए। अन्तिम ओभरमा जितको लागि २२ रन जोड्नु पर्ने थियो।

यो ओभर निकै रोमाञ्चक बन्यो। दुबेले २ छक्का र एक चौका प्रहार गरे। १९ रन जोडिसकेको थियो। अन्तिम बलमा जितको लागि ३ र बराबरीको लागि २ रन जरुरी थियो। जहाँ १ रन जोडेर दुबे रन आउट हुँदा राजस्थान १ रनको पिडादायी हार बेहोर्न बाध्य भयो।

बलिङमा मोइन अलि, हर्षित राना र वरूण चक्रवर्तीले समान २ विकेट लिए।

त्यसअघि इडेन गार्डेनमा टस जितेर कोलकाताले पहिलो ब्याटिङ गर्ने निर्णय गर्यो। कोलकाताले निर्धारित २० ओभरमा ४ विकेट गुमाउँदै २ सय ६ रन बनायो।

ओपनर सुनिल नराइन ११ रनना र र अर्का ओपनर रहमानुल्लाह गुर्बाज ३५ रनना आउट भए। ६९ रन जोड्दा कोलकाताले २ विकेट गुमायो।

यसपछि कप्तान अजिन्के राहने र अंगकृश रघुवंशीले तेस्रो विजेटको लागि ४२ रनको साझेदारी गरे। राहने ३० रनमा आउट भए। अंगकृश र आन्द्रे रसलले चौथो विकेटको लागि ६१ रनको साझेदारी गरे। अंगकृश ३१ बलमा ४४ रन जोडेर आउट भए।

रसलले उत्कृष्ट ब्याटिङ गरे। २५ बलमा ४ चौका र ६ छक्का सहित अविजित ५७ रनको महत्वपूर्ण योगदान दिए।

बलिङमा जोफ्रा आर्चर, युद्धवीर सिंह, महिश थिक्साना र रियान परागले १/१ विकेट लिए।

कोलकाता ११ अंक सहित छैटौं स्थानमा उक्लिएको छ। राजस्थान ६ अंक सहित आठौं स्थानमा रहेको छ।