एजेन्सी – इण्डियन प्रिमियर लिग (आइपिएल) मा पञ्जाब सुपर किङ्स ले राजस्थान रोयल्सलाई १० रनले हराएको छ।

यो जितले पञ्जाबको प्ले अफको संभावनालाई मजबुत बनाएको छ। जितको लागि २ सय २० रनको लक्ष्य पछाएको राजस्थान रोयल्स २० ओभरमा ७ विकेट गुमाउँदै २ सय ९ रनमा समेटियो।

ओपनर यशस्वी जैसवाल र वैभव सूर्यवंशीले पहिलो विकेटको लागि ७६ रनको साझेदारी गर्दै टोलीलाई राम्रो सुरुवात दिलाए। पहिलो पावर प्लेमा राजस्थानले १ विकेट गुमाएर ८९ रन बनाएको थियो।

वैभव ४० रनमा र यशस्वी २५ बलमा ९ चौका र १ छक्का प्रहार गर्दै ५० रनमा आउट भए। यसपछि मिडर अर्डरको प्रदर्शन कमजोर रहयो।

सन्जु सामसन २० रनना, रियान पराग १३ रनना र सिम्रोन हेटमेर ११ रनना आउट भए‌। ५ विकेटको नोक्सानीमा राजस्थानले १ सय ८१ रन जोड्यो। धुर्व जुरेल क्रिजमा टिकिरहेका थिए। ३१ बलमा ५१ रन जोडेर उनी आउट भए।

राजस्थान बलिङमा हर्पित ब्रार्रले ४ ओभर बलिङ गर्दै २२ रन दिएर ३ विकेट लिए। यस्तै अज्मतुल्लाह ओम्रजाइ र मार्को जानसेनले समान २ विकेट लिए।

त्यसअघि टस जितेर पहिले ब्याटिङ गरेको पञ्जाबले २० ओभरमा ५ विकेट गुमाउँदै २ सय १९ रन बनायो। सुरूवात राम्रो गर्न नसकेको पञ्जाबले पहिलो पावर प्लेको समाप्तीमा ५८ रन जोड्दा ३ विकेट गुमाइसकेको थियो।

प्रियान्स आर्या ९ रनमा, मिचेल ओएन बिना कुनै रनमा र प्राभसिम्रन सिंह २१ रनमा आउट भए। तीन खेलाडी आउट हुँदा पञ्जाबले ३४ रन मात्र बनाएको थियो।

त्यसपछि नेहाल वादेरा र कप्तान श्रेयस अयरले चौथो विकेटको लागि ६७ रनको साझेदारी गरे। श्रेयस ३० रनमा पबिलियन फर्किए। नेहाल वादेराले उत्कृष्ट ब्याटिङ गर्दै ३७ बलमा ५ चौका र ५ छक्का सहित ७० रनको पारी खेले।

यसपछि छैटौं क्रमका सशांक सिंहले ३० बलमा अविजित ५९ रन बनाए। योसँगै पञ्जाबले २ सय १९ रन बनाए। बलिङमा तुसार देशपाण्डेले ४ ओभरमा ३७ रन खर्चेर २ विकेट लिए।

पञ्जाब १२ खेलबाट १७ अंक बनाएर लिग तालिकाको सातौं स्थानमा उक्लिएको छ। लिग चरणबाट बाहिरिसकेको राजस्थानको यो दशौं हार हो।