एजेन्सी – इण्डियन प्रिमियर लिग (आइपिएल) मा अहिले दिल्ली क्यापिटल्सले गुजरात टाइटन्सलसई जितको लागि २ सय रनको चुनौति दिएको छ। दिल्लीको लागि के एल राहुलले सानदार अविजित शतक प्रहार गरे।

अरुण जैटली स्टेडियममा टस जितेर गुजरातले दिल्लीलाई ब्याटिङको लागि मैदानमा उतार्यो। निर्धारित २० ओभरमा ३ विकेट गुमाउँदै दिल्लीले १ सय ९९ रनको योगफल खडा गर्यो।

ओपनर फाप डु प्लेसिस ५ रनमा आउट हुँदा दिल्लीले १६ रन बनाएको थियो। तर अर्का ओपनर केएल राहुल र अभिषेक पोरेलले दोस्रो विकेटको लागि ९० रनको साझेदारी गरे। अभिषेक ३० रन जोडेर साइ किशोरको बलमा आउट भए। अक्षर पटेल २५ रनमा समेटिए।

केएल राहुल भने क्रिजमा जमे। उनले शतकीय पारी खेले। ६० बल खेल्दै १२ चौका र ४ छक्का सहित शतकको सफलता प्राप्त गरे। उनले बिष्फोटक ब्याटिङ गर्दै अविजित १ सय १२ रनको तारिफयोग्य प्रदर्शन गरे। ट्रिस्टान स्टब्स अविजित २१ रनमा रहे।

बलिङमा गुजरातको प्रदर्शन फितलो रहयो। उसको लागि अर्सद खान, प्रसिद्ध कृष्णा र साइ किशोरले १-१ विकेट लिए।

दिल्ली ११ खेलमा ६ जित, ४ हार र एक खेलको नतिजा नआउँदा १३ अंक सहित लिगको ५ औं स्थानमा रहेको छ। गुजरातले ११ खेलमा ८ जित र ३ हारमा १६ अंक जोडेको छ। ।