7 months ago
May 21, 2025
काठमाडौं (हाम्रो खेलकुद)- आइसिसी महिला टि-ट्वान्टी वर्ल्ड कप एसिया क्वालिफायरमा ऐतिहासिक सफलता प्राप्त गर्दै नेपाली राष्ट्रिय महिला टोली आज स्वदेश फर्किएको छ।
त्रिभुवन अन्तर्राष्ट्रिय विमानस्थलमा साँझ महिला टोली लाई नेपाल क्रिकेट संघ (क्यान) का सचिव पारस खड्का र प्रवक्ता छुम्पी लामाले स्वागत गरे।
चोटको कारण यो पटक टोली बाहिर रहेकी सीता राना मगर र पूव राष्ट्रिय खेलाडी करुणा भण्डारी पनि खेलाडीलाई स्वागत गर्न र खुशी साट्न पुगेका थिए। लामो समयसँगै खेलेका सीता र रुविना क्षेत्री भावुक समेत बने।
१८ वर्षमा यो सफलता खेलाडीको मिहिनेत र पछिल्लो समयको आलोचनाको प्रतिफल भएको कप्तान इन्दु बर्माले बताइन्।
टोलीकी सबैभन्दा सिनियर खेलाडी तथा पूर्व कप्तान रुविनाले यो खुशीलाई शब्दमा बयान गर्न नसक्ने प्रतिक्रिया दिइन्।
सुपर थ्रीमा युएईलाई ५ विकेटले हराउँदै नेपाल पहिलो पटक ग्लोबल क्वालिफायरमा छनोट भएको थियो।
तीन समुहबाट सुपर थ्रीमा पुगेका नेपाल, थाइल्याण्ड र युएई मध्यै शीर्ष दुई टोली ग्लोबल छनोटमा पुग्ने नियम अनुसार नेपाल र आयोजक थाइल्याण्ड छनोट हुन सफल भएका हुन्। उपाधि भिडन्तमा भने नेपाल थाइल्याण्डसँग हारेको थियो।
ग्लोबल क्वालिफायरमा १० राष्ट्रबीच विश्व कप प्रवेशको लागि प्रतिस्पर्धा हुनेछ। एसियाबाट नेपाल र थाइल्याण्डसँगै अमेरिकाजबाट युएसए र २०२४ को विश्वकपबाट स्कटल्याण्ड र बङ्गलादेशले ग्लोबल क्वालिफायर खेल्ने निश्चित भएको छ।
अब युरोपबाट २, अफ्रिकाबाट २ र इस्ट एसिया प्यासिफिकबाट १ गरी ५ राष्ट्र छनोट हुनेछन्। १० राष्ट्रलाई दुई समुहमा विभाजन गरिनेछ। प्रत्येक समूहको दुई शीर्ष टोली २०२६ को जुनमा इङ्गल्याण्डमा हुने विश्व कपको लागि छनोट हुनेछन्।
December 6, 2025
काठमाडौं (हाम्रो खेलकुद)- पोखरा एभेन्जर्सले पाँचौं स्थानमा रहँदै नेपाल प्रिमियर लिग (एनपिएल) दोस्रो सिजनको अन्त्य गरेको छ। पोखराले ७ मध्ये तेस्रो जित निकाल्दै एनपिएलको यात्राको अन्त्य गरेको हो। एडम रोसिङ्गटन र अर्जुन कुमालको शतकीय साझेदारीमा पोखराले चितवन राइनोजलाई ८ विकेटको फराकिलो अन्तरमा हरायो। जितको लागि १ सय २१ रनको सामान्य लक्ष्य पोखराले १९.४ ओभरमा पूरा […]
December 6, 2025
काठमाडौं (हाम्रो खेलकुद)- दोस्रो संस्करणको नेपाल प्रिमियर लिग (एनपिएल) मा चितवन राइनोजले पोखरा एभेन्जर्सलाई जितको लागि १ सय २१ रनको चुनौती दिएको छ। टस जितेर ब्याटिङ गरेको चितवनले २० ओभरमा ६ विकेट गुमाउँदै १ सय २० रन बनायो। जारी एनपिएलमा पहिले ब्याटिङ गरेर बनेको यो सबैभन्दा कम योगफल हो। यसअघि जनकपुरले काठमाडौं गोर्खाजविरुद्ध १ सय […]
December 6, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) मा चितवन राइनोज र पोखरा एभेन्जर्सबीच खेल हुँदैछ। टस जितेर चितवनले पहिले ब्याटिङ रोजेको छ। चितवन र पोखरा दुवै टिम लिग चरणबाट बाहिरिसकेकोले आजको खेलको नतिजाले कुनै असर गर्दैन। त्यसैले यो खेल दुवै टोलीको लागि प्रतिष्ठाको लडाई मात्र हो। चितवन र पोखराको यो सातौं तथा अन्तिम खेल […]
