एजेन्सी-  इन्डियन प्रिमियर लिग (आइपिएल) मा शुक्रवार रोयल च्यालेन्जर्स बैंगलुरु (आरसिबी) पराजित भएको छ।

आइपिएलको प्ले अफबाट बाहिरिसकेको सनराइजर्स हैदराबादले आरसिबीलाई ४२ रनले हराएको थियो।
२ सय ३२ रनको विशाल लक्ष्य पछ्याएको आरसिबीले
१९.५ ओभरमा सबै विकेट गुमाएर १ सय ८९ रन मात्र बनाउन सकेको थियो ।

यसअघि नै प्ले अफमा पुगिसकेको आरसिबीको पहिलो विकेटका लागि फिल साल्ट र विराट कोहलीले ८० रनको साझेदारी गरेका थिए ।

साल्टले अर्धश बनाएका थिए । ३२ बलमा ४ चौका र ५ छक्कासहित उनले ६२ रन बनाए । कोहलीले २५ बलमा ७ चौका र १ छक्काका साथ ४३ रन जोडेका थिए।

जितेश शर्माले २४, रजत पाटिदारले १८ र मयंक अग्रवालले ११ रन बनाए भने अन्य कुनै ब्याटरले दोहोरो अंकमा रन बनाउन सकेनन्।

हैदराबादका कप्तान प्याट कमिन्सले ३‌, इशान मालिंगाले २ विकेट लिएका थिए।

त्यसअघि आरसिबीले टस जितेर पहिले फिल्डिङ रोज्यो। हैदराबादले २० ओभरमा ६ विकेट गुमाउँदै २ सय ३२ रन बनाएको थियो ।

टोलीका इशान किशनको पारी सानदार रहेको थियो। तेस्रो क्रमका उनले ४८ बल खेल्दै ७ चौका र ५ छक्कासहित अविजित ९४ रनको योगदान दिएका थिए ।

अभिषेक शर्माले ३४ रन जोड्दा अनिकेत बर्माले ३५ रन बनाएका थिए । यसैगरी हेनरिक क्लासेनले २४ रन थपेका थिए ।

आरसिबीका रोमारियो सेपर्डले २, भुवनेश्वर कुमार, लुङ्गी एनगिडी र सुयश शर्माले समान १ विकेट लिएका थिए ।

पहिलो क्वालिफायर पुग्ने आरसिबीको योजनामा धक्का लागेको छ । आरसिबी १७ अंक सहित तेस्रो स्थानमा छ। समान अंकको पन्जाब किङ्स दोस्रो र १८ अंकसहित गुजरात टाइटन्स शीर्ष स्थानमा छ।