एजेन्सी – पाकिस्तानले पहिलो टि ट्वान्टी आईमा बंगलादेशलाई पराजित गरेको छ ।

लाहोरस्थित गद्दाफी क्रिकेट मैदानमा बुधवार भएको खेलमा घरेलु टोली ३७ रनले विजयी भएको हो । ३ खेलको सिरिजमा पाकिस्तानले १-० को अग्रता लिएको छ ।

२ सय २ रनको लक्ष्य पछ्याएको बंगलादेश १९.२ ओभरमा १ सय ६४ रनमा समेटियो । बंगलादेशका लागि कप्तान लिटन दासले ३० बलमा १ चौका र ३ छक्काको सहयोगमा सर्वाधिक ४८ रन जोडे ।

जाकिर अलिले २० बलमा १ चौका र ३ छक्काको सहयोगमा ३६ रन बनाए । ओपनर तान्जिद हसन ३१ मा आउट हुँदा हसन मुहमद ९ रनमा नट आउट रहे ।

पाकिस्तानका हसन अलिले ३.२ ओभरमा ३० रन खर्चिएर ५ विकेट लिए । शादब खानले २ तथा फहिम असरफ, खुसदिल साह र सलमान आगाले समान १ विकेट लिए ।

त्यसअघि टस जितेर ब्याटिङ रोजेको पाकिस्तानले २० ओभरमा ७ विकेट गुमाएर २ सय १ रन बनाएको थियो।

पाकिस्तानका कप्तान सलमान आगाले ३४ बलमा ३ चौका र १ छक्काको सहयोगमा ५६ रनको अर्धशतकीय इनिङ खेले ।

शादब खान २५ बलमा ५ चौका र २ छक्काको सहयोगमा ४८ रनमा आउट भए । हसन नवाज २२ बलमा २ चौका र ४ छक्काको सहयोगमा ४४ रनमा आउट भए । मोहम्मद हरिस ३१ रनमा आउट हुँदा फहिम असरफ ११ रनमा आउट भए ।

बंगलादेशका लागि शरिफुल इस्लाम २ तथा मेहेदी हसन, हसन मुहमद, तान्जिम हसन शाकिब, रिसाद होसैन र समिम होसैनले समान १ विकेट लिए । दोस्रो टि ट्वान्टी आई शुक्रवार हुनेछ ।