एजेन्सी – घरेलु टोली पाकिस्तानले बंगलादेशविरुद्धको टि ट्वान्टी आई सिरिज एक खेल अगावै जितेको छ ।

दोस्रो टि ट्वान्टी आई शुक्रवार ५७ रनले जितेपछि घरेलु टोलीले ३ खेलको सिरिजमा २-० ले अग्रता लिएको छ । २ सय २ रनको लक्ष्य पछ्याएको बंगलादेश १९ ओभरमा १ सय ४४ रनमा समेटियो ।

बंगलादेशका तान्जिम हसन शाकिबले अर्धशतक बनाए । शाकिबले ३१ बलमा १ चौका र ५ छक्काको सहयोगमा सर्वाधिक ५० रन जोडे ।

तान्जिद हसन ३३ तथा मेहेदी हसन मिराज २३ रनमा आउट भए ।बंगलादेशका अन्य ब्याटरले दोहोरो अंकमा रन बनाउँन सकेनन् ।

पाकिस्तानका लागि अर्बार अहमदले ३ तथा हसन अलि, फहिम असरफ, हरिस रउफ, शादाब खान, खुसदिल साह र सैयम अयुवले समान १ विकेट लिए ।

त्यसअघि गद्दाफी क्रिकेट स्टेडियम लाहोरमा टस जितेर ब्याटिङ रोजेको घरेलु टोली पाकिस्तानले निर्धारित २० ओभरमा ६ विकेट गुमाएर २ सय १ रन बनाएको थियो ।

पाकिस्तानका लागि सहिबजादा फरहान र हसन नवाजले अर्धशतक बनाएका थिए । फरहानले ४१ बलमा ४ चौका र ६ छक्काको सहयोगमा ७४ तथा नवाजले २६ बलमा नट आउट ५१ रन जोडेका थिए ।

मोहम्मद हरिस २५ बलमा ४ चौका र २ छक्काको सहयोगमा ४१ रनमा आउट भए । कप्तान सलमान आगा १९ रनमा आउट भए ।

बंगलादेश हसन मोहम्मद र तान्जिम हसन शाकिबले समान २ तथा रिशाद होसैनले १ विकेट लिए । बंगलादेशले पहिलो टि ट्वान्टी आई खेल ३७ रनले गुमाएको थियो । तेस्रो टि ट्वान्टी आई खेल आइतवार हुनेछ ।