एजेन्सी – घरेलु टोली इङ्ग्ल्याण्डले पाहुना टोली वेस्ट इण्डिजविरुद्धको ओडिआई सिरिज १ खेल अगावै जितेको छ ।

आइतबार भएको दोस्रो ओडिआई खेल ३ विकेटले जितेसँगै घरेलु टोलीले ३ खेलको ओडिआई सिरिजमा २-० को अग्रता बनाएको हो । ३ सय ९ रनको लक्ष्य घरेलु टोलीले ४८.५ ओभरमा ७ विकेट गुमाएर पूरा गर्यो ।

इङ्ग्ल्याण्डको जितमा जो रुटले अविजित रहँदै १ सय ६६ रनको सानदार इनिङ खेले । उनले १ सय ३९ बलमा २१ चौका र २ छक्का प्रहार गरे । विल ज्याक्सले ५८ बलमा २ चौकाको सहयोगमा ४९ रन जोडे । ह्यारी ब्रुक ४७ तथा ज्याकोब बेथहेल १७ रनमा आउट हुँदा आदिल राशिद १० रनमा अविजित रहे ।

वेस्ट इण्डिजका लागि अल्जारी जोसेफले ४ तथा रोस्टन चेस, म्याथ्यु फोर्ड र जयडेन सेल्सले समान १ विकेट लिए ।

त्यसअघि इङग्ल्याण्को सोफी ग्राडेन कार्डिफमा टस हारेर ब्याटिङको निम्तो पाएको वेस्ट इण्डिज ४७.४ ओभरमा ३ सय ८ रनमा समेटिएको थियो । वेस्ट इण्डिजका केसी कार्टीले शतकीय इनिङ खेलेका थिए । उनले १ सय ५ बलमा १३ चौकाको सहयोगमा १ सय ३ रन बनाएका थिए ।

कप्तान शाई होप ६६ बलमा ४ चौका र ४ छक्काको सहयोगमा ७८ रनमा आउट भएका थिए । ओपनर ब्राण्डन किंग ६७ बलमा १० चौकाको सहयोगमा ५९ रनमा आउट भए । जस्टिन ग्रब्स २२, गुणकेश मोटी १८ तथा अल्जारी जोसेफ १० रनमा आउट भए ।

घरेलु टोलीका लागि आदिल राशिदले ४, सकिब मोहम्मदले ३ तथा विल ज्याक्स, वायडन कार्स र ज्याकेब बेथहेलले समान १ विकेट लिए । पहिलो ओडिआईमा घरेलु टोली २ सय ३८ रनको फराकिलो अन्तरले विजयी भएको थियो ।

दुई देशबीचको तेस्रो ओडिआई खेल मंगलबार रहेको छ । ओडिआई सिरिजपश्चात २ देशबीच ३ खेलको टि ट्वान्टी आई सिरिज हुनेछ ।