काठमाडौं(हाम्रो खेलकुद) – आइसिसी विश्वकप लिग टु अन्तर्गतको चौथो राउण्डको त्रिकोणात्मक सिरिजको पहिलो खेलमा स्कटल्याण्डको चौथो विकेट पतन भएको छ ।

स्कटल्याण्डको चौथोे विकेट नेपालका तीव्र गतिका बलर करण केसीले दिलाएका छन् । करणले ४० रन बनाएर खेलिरहेका कप्तान रिची बेरिङ्टनलाई आउट गराएका हुन् ।

यसअघि तेस्रो विकेट नेपालका तीव्र गतिका बलर करणले नै दिलाएका थिए । करणले स्कटल्याण्डको लागि ८० रन बनाएर खेलि रहेका चाल्र्स टेयर्सलाई विकेट किपर आसिफ शेखबाट स्टम्पिङ आउट गराएका हुन् ।

टेयर्स नेपालका लागि खतरा बनिरहेका थिए । उनले कप्तान बेरिङ्टनसँग मिलेर ७९ रनको साझेदारी गरी सकेका थिए ।

नेपाललाई तेस्रो सफलता तीव्र गतिका बलर सोमपाल कामीले दिलाएका थिए । सोमपालले ३१ बलमा १९ रनमा खेलिरहेका ब्रान्डन मकमुलनलाई बासिर अहमदबाट क्याच गराएका थिए ।

पहिलो विकेटका रुपमा स्कटल्याण्डले ओपनर जर्ज मुन्सीलाई रिजन ढकालको बलमा १२ रनमा गुमाएको थियो । मन्सी लामो सटको प्रयासमा सोमपाल कामीबाट समातिएका थिए ।

अहिले स्कटल्याण्डले २८ ओभरमा ४ विकेट गुमाएर १ सय ६१ रन बनाएको छ । नेपालले टस जितेर बलिङ गरिरहेको छ । त्रिकोणात्मक ओडिआई सिरिजमा नेपाल र स्कटल्याण्डको अलावा नेदरल्याण्ड्सको समेत सहभागीता रहेको छ ।