भीमले अर्धशतक पूरा

काठमाडौं (हाम्रो खेलकुद) – आइसिसी विश्वकप लिग टु अन्तर्गतको चौथो चरणको त्रिकोणात्मक सिरिजमा स्कटल्याण्डविरुद्ध भीम सार्कीले अर्धशतक पूरा गरेका छन् ।

भीमले ६७ बलमा ५ चौकाको सहयोगमा अर्धशतक पूरा गरेका हुन् । ओडिआई करियरमा भीमको यो चौथो अर्धशतक हो ।

३ सय २४ रनको लक्ष्य पछ्याइरहेको नेपालले अहिले २७ ओभरमा ४ विकेट गुमाएर १ सय ३५ रन बनाएको छ ।

नेपालले पहिलो विकेटका रुपमा २० बलमा १७ रनमा खेलिरहेका कुशल भुर्तेललाई गुमाएको थियो । कुशल र आसिफबीचमा समझदारी नबन्दा उनले रन आउटको सिकार हुनु पर्यो ।

दोस्रो विकेटका रुपमा नेपालले अर्का ओपर आसिफलाई ८ बलमा ८ रनमा गुमायो । तेस्रो विकेटका रुपमा नेपालले कप्तान रोहितकुमार पौडेललाई ३ रनमा गुमायो ।

भीमसँग चौथो विकेटका लागि बलियो साझेदारी गरिरहेका आरिफ शेख ५५ बलमा ३९ रन बनाउँदै आउट भए । आरिफ र भीमले ९४ रनको साझेदारी गरेका थिए । क्रिजमा भीमको साथमा उपकप्तान दीपेन्द्रसिंह ऐरी रहेका छन् ।