एजेन्सी – भारत र अष्ट्रेलियाबीच जारि टेष्ट सिरिजको दोश्रो टेष्ट अन्तर्गत पहिलो दिन अष्ट्रेलियाले पहिलो टेष्टको लयलाई कायम राख्दै उत्कृष्ट सुरुवात गरेको छ।
टस जितेर पहिलो ब्याटिङ गरेको भारतले पहिलो इनिङमा मात्र १८९ रन जोड्न सक्यो। ओपनर लोकेश राहुलले ९० रन बनाउन बाहेक अन्य कुनै ब्याट्सम्यानले ठुलो स्कोर बनाउन सकेनन्। पहिलो टेष्टबाट २ खेलाडी परिवर्तन गरेको भारतको लागि मुरली विजयको ठाउँमा आएका ओपनर अभिनव मुकुन्दले खाता खोल्न सकेनन्। कप्तान विराट कोहली मात्र १२ रन जोड्दै एल.बि.डब्लु आउट भए। चेतेस्वर पुजारा र अजिंक्या रहानेले समान १७/१७रन जोड्दा करुण नायरले २६ रन बनाए।
अष्ट्रेलियाका लागि नेथन लायनले सर्वाधिक ८ विकेट लिए। २२.२ ओभर बलिङ गरेका लायनले ५० रन खर्चदै भारतका कप्तान विराट कोहली सहित अन्य सात खेलाडीलाइ पेभेलियन फर्काएका थिए। खेलको पहिलो विकेट मिचेल स्टार्कले लिए भने स्टिभन ओ’किफको नाममा १ विकेट रह्यो।
तेश्रो सत्रमै आफ्नो ब्याटिङ सुरु गरेको अष्ट्रेलियाले ४०/०को स्थितिमा दिनको खेल समापन गरेको छ। उसका लागि डेबिड वार्नर २३ र म्याट रेन्स १५ रनमा अविजित छन्।
पहिलो टेष्टमा अष्ट्रेलियाले ३३३ रनको फराकिलो जित हात परेपछि भारतलाई दोश्रो टेष्टमा फर्कन ठुलो दवाव सिर्जना भएको छ।
