एजेन्सी – भारतविरुद्ध जारी पाँचौ तथा अन्तिम टेस्टमा लक्ष्य पछ्याउँदै घरेलु टोली इङ्ग्ल्याण्डले तेस्रो दिन दोस्रो इनिङको सुरुवात गरेको छ ।

ओभलमा जितका लागि इङ्ग्ल्याण्डले ३ सय ७४ रनको लक्ष्य पाएको थियो । इङ्ग्ल्याण्डले तेस्रो दिन शनिवारको खेल सकिँदा ५० रन बनाउँदा १ विकेट गुमाएको छ । २ दिनको खेल बाँकी रहँदा इङ्ग्ल्याण्ड ३ सय २३ रनले पछाडि छ।

ओपनर ज्याक क्रली १४ रन बनाउँदै आउट भए । दिनको अन्तिम ओभरको पाँचौ बलमा क्रली आउट हुन भए । ओपनर बेन डकेट ३४ रनका नटआउट छन्।

भारतका मोहम्मद सिराजले क्रलीको विकेट लिएका हुन्। पहिलो इनिङमा २३ रनले पछि परेको भारतले दोस्रो इनिङमा ३ सय ९६ रन जोडेको छ ।

भारतका ओपनर जैसवालले १४ चौका र २ छक्काको सहयोगमा १ सय १८ रनको शतकीय इनिङ खेले । तेस्रो विकेटका लागि जैसवालले आकाश दिपसँग १ सय ७ रनको शतकीय साझेदारी गरे ।

आकाशले १२ चौकाको सहयोगमा ६६ रन बनाए । रविन्द्र जडेजा र वासिंटन सुन्दरले समान ५३ रन जोडे।धुव्र जुरेल ३४, करुण नायर १७ तथा साई सुदर्सन र कप्तान शुभमन गिल समान ११ रनमा आउट भए ।

घरेलु टोलीका लागि जोस टंगले ३० ओभरमा १ सय २५ रन खर्चिएर ५ विकेट लिए । गस एटकिन्सनले ३ र जेमी ओभरटर्नले २ विकेट लिए ।

त्यसअघि टस हारेर ब्याटिङको निम्तो पाएको भारत पहिलो इनिङमा २ सय २४ रन बनाएको थियो । घरेलु टोलीले पहिलो इनिङमा २ सय ४७ रन जोडेको थियो। ५ टेस्टको सिरिजमा इङ्ग्ल्याण्ड २-१ ले अघि छ ।