काठमाडौं (हाम्रो खेलकुद) – नेपालले थाइल्याण्डसँग खेल्दै स्वदेशमा आयोजना हुने आइसिसी महिला टि ट्वान्टी विश्वकप ग्लोबल छनोटको यात्रा सुरु गर्ने छ‌।

नेपाल क्रिकेट संघ (क्यान) ले यसै महिनाको अन्तिममा सुरु छनोटको समूह विभाजन र खेल तालिका आज साविक गरेको छ।

नेपाल, थाइल्याण्ड रहेको समूह ‘बी’ मा जिम्बावे, नेदरल्यान्ड्स र स्कटल्यान्ड छन् । समूह ‘ए’ मा बंगलादेश, आयरल्यान्ड, नामिबिया, पपुवा न्युगिनी र अमेरिका छन् ।

१० राष्ट्रको सहभागितामा नेपालले जनवरी १४ देखि फेब्रुअरी १ सम्म (पुस ३० देखि माघ १८ गते ) छनोट सन्चालन हुनेछ। प्रतियोगिताका खेल कीर्तिपुरस्थित टियय अन्तर्राष्ट्रिय क्रिकेट रंगशाला र मूलपानीको माथिल्लो र तल्लो मैदानमा हुनेछन् । दुवै समूहका शीर्ष ३ टोली सुपर सिक्समा पुग्नेछन् ।

नेपालले पुस ३० गते (जनवरी १४) आयरल्यान्डसँग तल्लो मूलपानी र माघ २ गते (जनवरी १६) अमेरिकासँग कीर्तिपुरमा अभ्यास खेल खेल्नेछ ।

त्यसपछि ग्लोबल छनोटमा नेपालले माघ ४ गते (जनवरी १८ ) थाइल्यान्ड, माघ ८ गते ( जनवरी २२ ) नेदरल्यान्ड्स, माघ १० गते (जनवरी २४) जिम्बावे तथा समूह चरणको अन्तिम खेल माघ १२ गते ( जनवरी २६ ) स्कटल्यान्डसँग खेल्नेछ ।

नेपालले महिला टि ट्वान्टी विश्वकप छनोट पहिलो पटक आयोजना गर्न लागेको हो । क्यानले छनोटका लागि दोस्रो चरणका लागि २० सदस्यीय खेलाडी छनोट गरिसकेको छ भने आज राष्ट्रिय टोलीका मुख्य प्रशिक्षकसँग पत्रकार सम्मेलन राखेको छ।

छनोटका शीर्ष ४ टोलीले अर्को वर्ष आइसिसी महिला टि ट्वान्टी विश्वकप खेल्नेछन्।