बेलबारी (हाम्रो खेलकुद) – मोरङको बेलबारीमा आयोजनामा पूर्वाञ्चल स्तरीय टि ट्वान्टी क्रिकेट प्रतियोगिता शुक्रबार सुरु हुने भएको छ । बेलबारी क्रिकेट क्लबको आयोजनामा ११ दिन सम्म सञ्चालन हुने प्रतियोगितामा पूर्वाञ्चलका १६ वटा टोलीको सहभागिता रहने शनिबार आयोजित पत्रकार सम्मेलनमा जानकारी दिइयो ।

प्रतियोगितामा बिसिसी दमक, विराटनगर इन्भिन्सीवल,सुनसरी युथ क्लब इनरुवा, होराईजन किक्रेट क्लब विराटनगर, युनाईटेड किक्रेट क्लब बिर्तामोड, वाईसिसी क्रिकेट क्लब विराटनगर,सप्तरी ११ राजविराज, इलाम किक्रेट एकेडेमीको सहभागिता रहनेछ ।

त्यस्तै इष्र्टन बुलेट किक्रेट क्लब, दुहवी,विरेन्द्रनगर किक्रेट क्लब पथरी शनिश्चरे, बेलबारी क्रिकेट क्लब बेलबारी, इन्द्रपुर किक्रेट क्लब सुन्दरहरैचा, पथरी ११ पथरीशनिश्चरे, लर्डबुद्ध क्रिकेट एकेडेमी काकडभिट्टा, इटहरी किक्रेट एकेडेमी इटहरी र सिभिसी चन्द्रगढी झापाले प्रतियोगितामा भाग लिने आयोजक क्लबका अध्यक्ष बिपिन आचार्यले जानकारी दिए ।

पुरस्कार
विजेता – ५१ हजार रुपैयाँ
उपविजेता – ३१ हजार रुपैयाँ
प्रतियोगिताका सर्वोत्कृष्ट खेलाडी – ५ हजार १ सय रुपैयाँ
प्रतियोगिताका उत्कृष्ट बलर – ३ हजार १ सय रुपैयाँ
प्रतियोगिताको उत्कृष्ट ब्याट्सम्यान – ३ हजार १ सय रुपैयाँ
हरेक खेलको म्यान अफ दी म्याच – १ हजार १ सय रुपैयाँ