default_image

7 years ago

April 5, 2017

स्पोन्सर युनिभर्सिटी क्रिकेट कप: निष्ट र शहिद स्मारक विजयी

काठमाडौं (हाम्रोखेलाकुद)- त्रिवि क्रिकेट मैदान कीर्तिपुरमा जारी स्पोन्सर युनिभर्सिटी क्रिकेट कपमा निष्ट कलेज र शहिद स्मारक कलेज विजयी भएका छन् । त्रिवि क्रिकेट मैदानमा बुधबार भएको पहिलो खेलमा निष्टले पाटन बहुमुखी क्याम्पसलाई १ सय १० रनको फराकिलो अन्तरले पराजित गरेको हो । यस्तै दोस्रो खेलमा शहिद स्मारक कलेजले पाटन एकेडेमी अफ हेल्थ साइन्सलाई ६ विकेटले […]

34 views

0 Bookmark

काठमाडौं (हाम्रोखेलाकुद)- त्रिवि क्रिकेट मैदान कीर्तिपुरमा जारी स्पोन्सर युनिभर्सिटी क्रिकेट कपमा निष्ट कलेज र शहिद स्मारक कलेज विजयी भएका छन् ।

त्रिवि क्रिकेट मैदानमा बुधबार भएको पहिलो खेलमा निष्टले पाटन बहुमुखी क्याम्पसलाई १ सय १० रनको फराकिलो अन्तरले पराजित गरेको हो । यस्तै दोस्रो खेलमा शहिद स्मारक कलेजले पाटन एकेडेमी अफ हेल्थ साइन्सलाई ६ विकेटले पराजित गरेको हो । निष्टले दिएको १ सय ८३ रनको लक्ष्य पछ्याएको पाटन १७.१ ओभरमा सबै विकेट गुमाएर ७२ रनमात्र बनाउन सक्यो । पाटनका निर्मल लुइटेलले २१ रन जोड्नुबाहेक अन्य ब्याट्सम्यानको प्रदर्शन फितलो देखियो । पाटनलाई सस्तैमा समेट्न निष्टका शंकर पौडेल एक्लैले चार विकेट लिए । यस्तै सुमित झा, सुर्य लामा र प्रदिप परियाले दुई–दुई तथा जन्मि जय यादवले एक विकेट हात पारे ।

यसअघि टस हारेर पहिले ब्याटिङको निम्तो पाएको निष्टले पुरै ओभर खेल्दै ५ विकेट गुमाएर १ सय ८२ रन जोडेको थियो । निष्टका विपिन आचार्यले ५२ तथा शोहन आचार्यले ५१ रनको अर्धशतकीय इनिङ्स खेले । विवेक रानामगर ४४ रनमा आउट भए । पाटनका निर्मल लुइटेल, दिपेन्द्र ऐरी, श्याम थापामगर र रमेश जोशीले एक–एक विकेट लिए । निष्टका विपिन आचार्य म्यान अफ दि म्याच घोषित भए ।

यस्तै अर्काे खेलमा शहिद स्मारक कलेजले पाटन एकेडेमी अफ हेल्थ साइन्सलाई ६ विकेटले पराजित गर्यो। पाटनले दिएको १ सय १७ रनको लक्ष्य शहिद स्मारक कलेजले १८.२ ओभरमा चार विकेट गुमाएर पुरा गर्यो । शहिद स्मारकका नविन शर्माले ३४ रन जोडे । सागर लम्साल २४ रनमा अविजित रहँदा विश्वास श्रेष्ठ १७ रनमा आउट भए । पाटना नृपेश राज गिरीले दुई तथा अशोक कुमार यादव र विवेक घिमिरेले एक–एक विकेट लिए ।

यसअघि टस जितेर पहिले ब्याटिङ गरेको पाटनले एकेडेमीले १८.१ ओभरमा पुरै विकेट गुमाएर १ सय १६ रन जोडेको थियो । पाटनका मनिस यादव ३३, नृपेश राज गिरी २९ तथा अमन रजकले १५ रनमा आउट भए । शहिद स्मारकका देव चलाउनेले तीन विकेट लिए । ललित प्याकुरेल र टेक बहादुर सलामीले दुई–दुई तथा खेम जोशीले एक विकेट हात पारे । शहिद स्मारकका देव चलाउने म्यान अफ दि म्याच घोषित भए । प्रतियोगिता अन्र्तगत बिहिबार सेन्ट लरेन्स र शंकरदेव तथा कसमस र नेपाल कर्मस क्याम्पसबीच खेल हुनेछ ।

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.