7 years ago
April 6, 2017
काठमाडौं (हाम्रो खेलकुद) – स्पोन्सर युनिभर्सिटी क्रिकेट कपमा बिहीबार शंकरदेव क्याम्पस र नेपाल कमर्श क्याम्पस विजयी विजयी हुँदै प्रतियोगिताको क्वार्टरफाइनलमा पुगेका छन् । त्रिवि क्रिकेट मैदान कीर्तिपुरमा जारी खेलमा बिहीबार पहिलो खेलमा शंकरदेवले सेन्ट लरेन्स क्याम्पसलाई ४९ रन तथा कमर्श क्याम्पसले कसमस कलेजलाई ८ विकेटले हरायो । शंकरदेवले दिएको १ सय ६४ रनको लक्ष्य पछ्याएको […]
काठमाडौं (हाम्रो खेलकुद) – स्पोन्सर युनिभर्सिटी क्रिकेट कपमा बिहीबार शंकरदेव क्याम्पस र नेपाल कमर्श क्याम्पस विजयी विजयी हुँदै प्रतियोगिताको क्वार्टरफाइनलमा पुगेका छन् । त्रिवि क्रिकेट मैदान कीर्तिपुरमा जारी खेलमा बिहीबार पहिलो खेलमा शंकरदेवले सेन्ट लरेन्स क्याम्पसलाई ४९ रन तथा कमर्श क्याम्पसले कसमस कलेजलाई ८ विकेटले हरायो ।
शंकरदेवले दिएको १ सय ६४ रनको लक्ष्य पछ्याएको सेन्ट लरेन्स १८.४ ओभरमा १ सय १४ रनमा समेटियो । सेन्ट लरेन्सका अमित श्रेष्ठले ३२, प्रनित थापाले २१, अभिशेष थापाले १८ र उमेश ठकुरीले १२ रन बनाएपनि टोलीलाई जित दिलाउन सकेनन् । शंकरदेवका प्रकाश विष्ट, आशिष पोखरेल, लोकेन्द्र धामी र विनोद भट्टराईले समान २ विकेट लिए ।
त्यसअघि टस जितेर पहिले ब्याटिङ गरेको शंकरदेवले निर्धारित २० ओभरमा ७ विकेट गुमाएर १ सय ६३ रन बनाएको थियो । टोलीका आयुष्मान बमले ६१ रनको अर्धशतकीय इनिङ्स खेले । यस्तै सोमेश यादवले ३५ तथा अरुण ऐरी र रविन चन्दले समान १६ रन जोडे । सेन्ट लरेन्सका इसानसिंह बाँनियाले ३ तथा अभिशेष थापाले २ विकेट लिए । शंकरदेवका आयुष्मान म्यान अफ दि म्याच घोषित भए ।
त्यस्तै अर्को खेलमा कसमसले दिएको ६८ रनको सामान्य लक्ष्य शहिद नेपाल कमर्श क्याम्पसले ६.३ ओभरमा २ विकेट गुमाएर पुरा ग¥यो । कमर्शको जितमा प्रकाश विष्टले ३४ र हिमांशु दत्तले अविजित २१ रन बनाए । धिरज अधिकारी २ रनमा अविजित रहे । दीपक कठायत र विवेक साउदले समान १ विकेट लिए ।
त्यसअघि टस जितेर पहिले ब्याटिङ गरेको कसमस १४.४ ओभरमा सबै विकेट गुमाएर ६७ रनमात्र बनाउन सक्यो । कसमसका लागि मध्यक्रमका ब्याट्सम्यान चुडामडि पण्डितले १२ रन बनाउनु बाहेक अन्य ब्याट्सम्यानको प्रदर्शन गर्न सकेनन् । कसमसलाई सस्तैमा समेट्न कमर्शका नविन थापा एक्लैले ६ विकेट लिए । नविन खेलको म्यान अफ दि म्याच घोषित भए ।
प्रतियोगिता अन्र्तगत शुक्रबार समूह चरणको अन्तिम खेलमा काठमाडौं युनिभर्सिटी अफ आर्टस् र गोल्डेन गेट तथा दोस्रो खेलमा राजश्री र के एण्ड केबीच खेल हुनेछ । शुक्रबारको खेलसँगै क्वार्टरफाइनल समिकरण पुरा हुनेछ । यसअघि त्रिभुवन विश्व विद्यालय, ग्लोबल कलेज, निष्ट कलेज, शहिद स्मारक कलेजले क्वार्टरफाइनल पुगिसकेका छन् ।
March 28, 2024
सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]
March 28, 2024
काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]
March 28, 2024
काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]