default_image

7 years ago

April 11, 2017

कप्तान शरद चम्कदा बिराटनगर किङ्स विजयी

दिपेन्द्र पोखरेल धनगढी – सुदूरपश्चिममा जारी धनगढी प्रिमियर लिग अन्तर्गतको आफ्नो पहिलो खेलमा बिराटनगर किंग्सले धनगढी टिम चौराहालाई २३ रनले पराजित गरेको छ। खेलका म्यान अफ द म्याच कप्तान शरद भेषावकरको अलराउन्ड प्रदर्शनमा बिराटनगरले पारस खड्काको नेतृत्वमा रहेको धनगढीलाई पराजित गरेको हो। टस जितेर बलिङ रोजेको चौराहासामु किंग्सले निर्धारित २० ओभर खेल्दै ६ विकेट गुमाएर १३५ रनको […]

44 views

0 Bookmark

दिपेन्द्र पोखरेल

धनगढी – सुदूरपश्चिममा जारी धनगढी प्रिमियर लिग अन्तर्गतको आफ्नो पहिलो खेलमा बिराटनगर किंग्सले धनगढी टिम चौराहालाई २३ रनले पराजित गरेको छ। खेलका म्यान अफ द म्याच कप्तान शरद भेषावकरको अलराउन्ड प्रदर्शनमा बिराटनगरले पारस खड्काको नेतृत्वमा रहेको धनगढीलाई पराजित गरेको हो।

Sharad

टस जितेर बलिङ रोजेको चौराहासामु किंग्सले निर्धारित २० ओभर खेल्दै ६ विकेट गुमाएर १३५ रनको लक्ष्य प्रस्तुत गरेको थियो । सुस्त सुरुवात गरेपनि अनिल शाह र कप्तान शरदको आक्रामक ब्याटिङको मद्दतले बिराटनगरले चुनौतिपूर्ण लक्ष्य प्रस्तुत गर्यो । १५औं ओभरको पाँचौ बलमा ३१ रनमा रहेका शरदको सहज क्याच लङ अनमा अनिल मण्डलले ड्रप गरेका थिए । १८ ओभरमा १२४ रन रहेको बिराटनगरले अन्तिम दुइ ओभरमा १० रन मात्र जोड्न सफल भयो ।

Paras out

टिम चौराहाका कप्तान पारस खड्काको विकेटको खुशियाली मनाउदै बिराटनगर किंग्सका खेलाडीहरु

बिराटनगरका लागि सर्वाधिक योगदान शरदको रह्यो , उनले ३२ बलको सामाना गर्दै ४६ रन जोडे । इनिङको अन्तिम बलमा दोस्रो रनका लागि जोड दिदा शरद रन आउट भएका थिए । त्यस्तै तेस्रो ब्याट्सम्यान अनिल शाहले ३ छक्कको मद्धतले २८ रन जोडे भने ठुलो प्रहर गर्ने प्रयासमा लङ अनमा समातिएका अमित श्रेष्ठले १९ तथा अर्का ओपनर आरिफ शेखले १० रन जोडे । पहिलो इनिङको १५औं ओभरमा अनिल शाहको स्थानमा ब्याटिङमा प्रवेश गरेका प्रनित थापा मगरले १४ बलमा २१ रन जोडे । धनगढी टिम चौराहाका लागि ललित राजबंशीले २ विकेट लिए भने सुसान भारि, रामनरेश गिरी र आरिफ शेखले समान १-१ विकेट लिए ।

१३५ रनको लक्ष्य लिएर मैदान छिरेको धनगढीले पाँचौ ओभरमा राजु रिजालको रुपमा आफ्नो पहिलो विकेट गुमायो । पहिलो विकेट गुमाएपछि ७ रनमा आरिफ शेख र लगत्तै आफ्नो कप्तान पारस खड्कालाई गुमाएको टिम चौराहा खेलमा फर्कन सकेन। सम्हालिदै खेलेका ओपनर अनिल मण्डलले  ३८ बलको सामना गर्दै २४ रन जोडे। मिडल अर्डरमा अमर राउटेलाले २ छक्का प्रहार गर्दै २४ रन जोडेपनि उनको योगदान खेलको नतिजा परिवर्तन गर्न काफी रहेन।

बिराटनगरको बलिङ तर्फ कप्तान शरद र सुशील कंडेलले समान ३-३ विकेट लिए भने जितेन्द्र मुखियाले २ तथा दिपेन्द्र सिंह ऐरीले १ विकेट लिएका थिए।

March 29, 2024

नेपाल ‘ए’ र आयरल्यान्ड वल्भ्स खेल्दै

काठमाडौं (हाम्रो खेलकुद) – नेपाल ‘ए’ र आयरल्यान्ड वल्भ्सले टि२० सिरिजको पहिलो खेलमा शुक्रबार खेल्दैछन् । खेल नेपाली समय अनुसार दिउँसो १ बजे टियु अन्तर्राष्ट्रिय क्रिकेट मैदानमा हुनेछ । लगातार वर्षाका कारण मैदान भिजेपछि विहीबार हुने भनिएको पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने जानकारी दिएको […]

March 29, 2024

इण्डो–नेपाल टि ट्वान्टीको सेमिफाइनल समीकरण पूरा

चितवन (हाम्रो खेलकुद)- चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेट प्रतियोगिताको सेमिफाइनल समीकरण पूरा भएको छ । गौतमबुद्ध अन्तर्राष्ट्रिय क्रिकेट रंगशालाको नमुना मैदानमा बिहीबार भएका लिग चरणका अन्तिम खेलमा विजयी हुँदै मधेश प्रदेश र सुदूरपश्चिम प्रदेशले सेमिफाइनलमा स्थान पक्का गरेका हुन् । सबै खेलमा जित निकाल्दै ८ अंकका साथ पिएसआरए ग्रुप लखनउ समूह विजेता […]

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

Success

Thank you for your time.