काठमाडौं, असोज २३ गते ।
सहिद शिव पौडेल स्मृती अन्तर कलेज क्रीकेट प्रतियोगिता यही आउदो मङ्सीर २ गते बाट हुने भएको छ । आयोजक नेपाल विद्यार्थी संघको अनुसार सबै खेलहरु भरतपुरको बिरेन्द्र बहुमुखी क्याम्पसमा खेलिनेछ ।
मोफसल क्रीकेटकै यस महत्वपूर्ण प्रतियोगिताको तेस्रो संस्कारण बिजेता पुरस्कार रशी रु १,६८,९०२ रहेको छ । दोस्रो हुने टोलिले रु १,३५,९०२ प्राप्त गर्ने छन । देश भरिबाट १८ वटा कलेज हरुले सहभागिता जनाउने आयोजकले जानकारी दिए । टिम दर्ता गर्न रु २५,००० लग्ने र सहभागी सबै टिमको खान र बस्नको बेवस्था पनि आयोजकलेनै गर्नेछ । प्रतियोगिताको उत्कृष्ट खेलाडिले रु १५,९०२ र स्मार्ट फोन, बेस्ट बलर र ब्याट्स्म्यानले रु ५,००० र स्मार्ट फोन प्राप्त गर्नेछन ।
राष्ट्रिय र अन्तराष्ट्रिय खेलाडिहरुले सहभागिता जनाउने यस प्रतियोगितका खेलहरु टि-२० फरम्याटमा खेलाईनेछ ।
