7 years ago
April 16, 2017
दिल्ली (एजेन्सी) – इन्डियन प्रिमिएर लिग अन्तर्गत शनिबार भएको दोश्रो खेलमा दिल्ली डेयरडेभील्सले किङस इलेभेन पन्जाबलाई ५१ रनको विशाल अन्तरले पराजित गरेको छ। टस जितेर ब्याटिङ रोजेको दिल्लीको लागि ओपनर सन्जु स्याम्सन र स्याम बिलिङ्सले राम्रो सुरुवात दिलाएका थिए। पहिलो विकेटका लागि ७ ओभरमा ५३ रन जोड्दा मध्यक्रमका ब्याट्सम्यानले खुलेर खेल्ने मौका पाएका थिए। स्याम्सनले […]
दिल्ली (एजेन्सी) – इन्डियन प्रिमिएर लिग अन्तर्गत शनिबार भएको दोश्रो खेलमा दिल्ली डेयरडेभील्सले किङस इलेभेन पन्जाबलाई ५१ रनको विशाल अन्तरले पराजित गरेको छ।
टस जितेर ब्याटिङ रोजेको दिल्लीको लागि ओपनर सन्जु स्याम्सन र स्याम बिलिङ्सले राम्रो सुरुवात दिलाएका थिए। पहिलो विकेटका लागि ७ ओभरमा ५३ रन जोड्दा मध्यक्रमका ब्याट्सम्यानले खुलेर खेल्ने मौका पाएका थिए। स्याम्सनले १८ बलमा १९ रन प्रहार गरे भने बिलिङ्सले ४० बलमा ५५ रन जोडे। दिल्लीलाई थप मजबुत बनाउदै ठुलो योगफलसम्म पुर्याउन कोरी एन्डरसनले २२ बलमा ३ चौका र ३ छक्काको मद्दतले अविजित ३९ रनको पारी खेलेका थिए। श्रेयस ऐर (२२), ऋसब पन्त (१५) र क्रिस मोरिस (१६)ले पनि द्रुत गतिमा रन बनाएका थिए।
प्याट्रिक कमिन्सले ६ बलमा १२ रन जोडेपछि दिल्लीले अन्तिम २ ओभरमा ३६ रन जोडेको थियो। पन्जाबका लागि वरुण आरोनले २ विकेट लिंदा सन्दिप शर्मा, मोहित शर्मा, अक्षर पटेल र केसी क्यारीअप्पाले १/१ विकेट बाँडे।
१८९ रनको विशाल लक्ष्य पछ्याएको पन्जाबले लगातार विकेट गुमाएपछि खेलमा कुनै समय जितको नजिक देखिएन। ओपनर वोहरा ३ र जोड्दै दोश्रो ओभरमा आउट भएपछि रिधिमान शाह र हसिम अमलापनि क्रमश: चौथो र पाँचौ ओभरमा पेभेलियन फर्केका थिए। ओइन मोर्गनले २२ रन जोडेर पारीलाई केहि सम्हाल्ने प्रयास गरेपनि उनि कमिन्सको बलमा आउट भएपछि पन्जाबको पतन सुरु भएको थियो। डेबिड मिल्लरले २४ रन जोड्दा कप्तान म्याक्सवेल खाता नखोली दोश्रो बलमै पेभेलियन फर्किए।
अक्षर पटेलले २९ बलमा १ चौका र ३ छक्का प्रहार गर्दै केहि उकासेपनी खेलमा पन्जाब फर्किन सकेन। मोहित शर्माले पनि १३ रनको योगदान दिए। दिल्लीका लागि क्रिस मोरिसले ३ विकेट लिए भने सहबाज नदिम्म र प्याट कमिन्सले २/२ विकेट बाँडे। अमित मिश्रा र कोरी एन्डरसनको नाममा पनि १/१ विकेट रह्यो।
अलराउण्ड प्रदर्शन गरेका दिल्लीका कोरी एन्डरसन म्यान अफ द म्याच भए।
April 25, 2024
काठमाडौं (हाम्रो खेलकुद) – आइसीसी टि२० विश्वकपको तयारीका लागि वेस्ट इन्डिज ए विरुद्ध खेल्ने सिरिजका लागि नेपालले १६ सदस्यीय टोली घोषणा गरेको छ । एसीसी प्रिमियर कपका लागि ओमान पुगेको टोलीमा ब्याटर आरिफ शेखलाई समेट्दै १६ सदस्यीय टोली घोषणा गरिएको हो । युवा बलर आकाश चन्द पनि वेस्ट इन्डिज ए सिरिजमा छन् । उनी ओमानमा […]
April 24, 2024
एजेन्सी – दिल्ली क्यापिटल्सले इन्डियन प्रिमियर लिग (आइपिएल)मा बुधबार गुजरात टाइटन्समाथि ४ रनको रोमान्चक जित हासिल गरेको छ । २ सय २५ रनको लक्ष्य पछ्याएको गुजरातले साइ सुदर्शन र डेभिड मिलरको अर्धशतकको मद्दतमा ८ विकेट गुमाएर २ सय २० रन मात्र बनाउन सक्यो । साइले ३९ बलमा ७ चौका र २ चौकामा ६५ रन बनाए […]
April 24, 2024
एजेन्सी – अन्तर्राष्ट्रिय क्रिकेट परिषद (आइसीसी) ले ओलम्पिक लेजेन्ड तथा विश्व कीर्तिमानी धावक उसेन बोल्टलाई आउँदो आइसीसी मेन्स टि२० विश्वकपको दूतमा नियुक्त गरेको छ । आइसीसीले बुधबार एक विज्ञप्ति जारी गर्दै विश्वव्यापी चर्चा र विश्व कीर्तिमानका कारण बोल्टलाई हालसम्मकै सबैभन्दा ठूलो विश्वकपको दूत बनाइएको जानकारी दिएको छ । बोल्टले विश्वकपको प्रचार गर्न महत्त्वपूर्ण भूमिका खेल्ने […]