काठमाडौं, असोज २५
दिवाकर घलेलाई लगातार दोस्रो पटक अध्यक्ष चुन्दै काठमाडौं जिल्ला क्रिकेट संघको प्रथम साधारण सभा आइतबार सम्पन्न भएको छ । कमलपोखरीको कमल होटलमा भएको भएको निर्वाचनम घले र ११ सदस्य निर्वारोध निर्वाचित भएका थिए ।
काठमाडौं जिल्ला क्रिकेट संघका निर्वाचित अध्यक्ष दिवाकर घले र सदस्यहरु ।
अध्यक्षमा घलेको मात्र उम्मेदवारी परेको थियो भने सदस्यमा ३ जनाले उम्मेदवारी फिर्ता लिएपछि ११ सदस्य सर्वसम्मत निर्वाचित भएका थिए । निर्वाचित सदस्यमा प्रफुल्ल वैद्य, दुर्गानाथ सुवेदी, सुदीप शर्मा, राजु बस्न्यात, अमितवीर पाण्डे, अजयवीर पाण्डे, राजन घले, महेश्वरी डंगोल, सचिन तिमल्सेना, विजितध्वज चन्द र दीपेश पौडेल छन् ।
निर्वतमान सदस्य उपेन्द्र भटट्राई संघले बन्दसत्रमा पछिल्लो १० बर्षमा जिल्ला संघले कमजोरी गरेको र त्यसमा आफु पनि जिम्मेवार रहेको बताएका थिए । बन्द सत्रको सुरुआतमै आफ्नो भनाई राखेपछि उनले निर्वाचन प्रक्रियामा भने भाग लिएनन् ।
नेपाल क्रिकेट संघको विधान अनुसार अब ५ जना मनोनित हुनेछन् । जिल्ला संघका अध्यक्ष, उपाध्यक्ष, सचिव, सहसचिव, कोषाध्यक्ष र १२ सदस्य रहने व्यवस्था छ ।
