8 years ago
April 21, 2017
धनगढी (हाम्रो खेलकुद) – शनिबार हुने धनगढी प्रिमिएर लिगको फाइनल खेलमा पारस खड्काको कप्तानीमा रहेको टिम चौराहा धनगढी र शरद भेषावकर कप्तान रहेका बिराटनगर किङ्स भिड्दै छन्।
पहिलो ३ खेल हारेको चौराहाले लिग चरणका अन्तिम २ खेल जित्दै प्लेअफमा आफ्नो स्थान सुरक्षित गरेको थियो। एलिमिनेटरमा काठमाडौँ गोल्डेन्सलाई ६ विकेटले पराजित गरेको चौराहाले दोश्रो क्वालिफायरमा रुपन्देहीलाई ९२ रनले पराजित गर्यो। चौराहाको उत्कृष्ट पुनरागमनमा मुख्य भूमिका निभाएका कप्तान पारस खड्कामाथि फाइनलमा पनि त्यस्तै प्रदर्शन गर्नुपर्ने दबाब हुनेछ।
प्रतियोगितामा उत्कृष्ट प्रदर्शन गरिरहेको बिराटनगर किङस लिग चरणमा ६ अंक जोड्दै दोश्रो स्थानमा रहेको थियो। पहिलो क्वालिफायरमा रुपन्देही च्यालेन्जर्सलाई २९ रनको अन्तरले पराजित गर्दै बिराटनगरले फाइनलमा स्थान सुरक्षित गरेको थियो।
यी दुइ टोलीबिचको लिग चरणको खेलमा बिराटनगर २३ रनले विजयी भएको थियो। उक्त खेलमा ब्याटिङतर्फ ४६ (३२) र बलिङतर्फ ४-०-२०-३को प्रदर्शन गरेका बिराटनगरका कप्तान शरद भेषावकर म्यान अफ द म्याच भएका थिए।
फाइनल खेल शनिबार बिहान ११ बजे धनगढी स्थित एस.एस.पी क्रिकेट मैदानमा हुने।
December 15, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) मा आइतवारको पहिलो खेलमा काठमाडौं गुर्खाजविरुद्ध विराटनगर किंग्सले सामान्य योगफल तयार गरेको छ । टियु मैदानमा टस हारेर ब्याटिङको निम्तो पाएको विराटनगरले १९.५ ओभरमा अल आउट हुँदै १ सय १७ रनमा समेटियो । विराटनगरका लागि राजेश पुलामी मगरले सर्वाधिक २५ रन जोडे । उनले २१ बलमा १ चौका र […]
December 15, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) मा आइतवारको पहिलो खेलमा काठमाडौं गुर्खाजले विराटनगर किंग्सविरुद्ध टस जितेको छ । टियु मैदान कीर्तिपुरमा काठमाडौंका कप्तान करण केसीले टस जितेर बलिङ रोजेका हुन् । विराटनगर यसअघि नै प्रतियोगिताबाट बाहिरिसकेको छ । काठमाडौं प्लेअफमा स्थान बनाउँन जित आवश्यक छ । पराजित भएमा काठमाडौं प्रतियोगिताबाट बाहिरिने छ । शनिवार पोखरा […]
December 14, 2024
हिमाल खरेल, बिर्तामोड दोस्रो संस्करणको बर्खा स्मृति झापा जिल्ला अन्तरपालिका टि ट्वान्टी क्रिकेट प्रतियोगिताको उद्घाटन खेलमा भद्रपुर नगरपालिका र दमक नगरपालिकाले खेल्ने भएका छन् । आज प्रतिष्ठानको कार्यालय बुधबारेमा भएको पत्रकार सम्मेलनमार्फत खेल तालिका सार्वजनिक गरिएको छ । प्रतियोगितामा सहभागी झापाका १५ वटै पालिकाका प्रतिनधिबीच टाइसिट ड्र गरिएको प्रतिष्ठानका अध्यक्ष मदन प्रसाईंले जानकारी दिए । […]
