7 years ago
April 21, 2017
धनगढी (हाम्रो खेलकुद) – धनगढी प्रिमिएर लिग अन्तर्गत शनिबार हुने फाइनल खेलअघि आयोजित पत्रकार सम्मेलनमा टिम चौराहा धनगढीका कप्तान पारस खड्काले चौराहाको लक्ष्य घरेलु समर्थकमाझ उपाधि जित्ने रहेको बताएका छन्। उनले डीपीएल जस्तो ठुलो प्रतियोगिता आयोजना हुनुमा आफु एकदम खुसी रहेको अभिव्यक्ति दिए। ‘ नेपालका विभिन्न ६ ठाउँको नाममा प्रतियोगिता गर्दा क्रिकेटको प्रवर्द्धन त हुन्छ […]
धनगढी (हाम्रो खेलकुद) – धनगढी प्रिमिएर लिग अन्तर्गत शनिबार हुने फाइनल खेलअघि आयोजित पत्रकार सम्मेलनमा टिम चौराहा धनगढीका कप्तान पारस खड्काले चौराहाको लक्ष्य घरेलु समर्थकमाझ उपाधि जित्ने रहेको बताएका छन्।
उनले डीपीएल जस्तो ठुलो प्रतियोगिता आयोजना हुनुमा आफु एकदम खुसी रहेको अभिव्यक्ति दिए। ‘ नेपालका विभिन्न ६ ठाउँको नाममा प्रतियोगिता गर्दा क्रिकेटको प्रवर्द्धन त हुन्छ नै, साथसाथै यसले खेलाडीहरुलाई अवसर पनि दिएको छ। आशा छ यस्तो प्रतियोगिताले आगामी वर्षमा पनि निरन्तरता पाउनेछ। यो प्रतियोगितालाई सफल बनाउन सहयोग गर्नुभएकोमा आयोजक टोली, प्रायोजकहरु र सहभागी टोलीलाई धन्यवाद दिन चाहन्छु’, पारसले भने।
उनले फाइनल खेल रोमान्चक हुनेमा आफु विश्वस्त रहेको अभिव्यक्ति दिए। ‘प्रतियोगिताको सुरुवात नराम्रो भएपनि हामी राम्रो प्रदर्शन गरेर यहाँसम्म आयौं, अब एक कदम टाढा रहेको अवस्थामा हाम्रो पुनरागमनलाई सुखद अन्त्य दिन चाहन्छौँ। फाइनालिस्ट टोली बिराटनगर र चौराहा दुवै टोलीले पहिलो र दोश्रो ब्याटिङ गरेर जितेको छ, यसले पनि बताउँछ कि फाइनल सजिलो हुने छैन’, उनले भने।
पारसले युवा खेलाडीहरुले राम्रो प्रदर्शन गरिरहेकाले यसले नेपाली क्रिकेटलाई फाइदा पुग्ने पनि बताए। घरेलु समर्थकमाझ फाइनल खेल्न पाउँदा टोलीलाई प्रेरणा थपिने भएपनि मैदानमा छिरेपछि खेलाडी र खेलमा प्रदर्शनले खेलको नतिजा फरक पर्ने पारसले बताए।
उनले एक खेल बढी खेलेको कारण टोलीलाई केहि फाइदा नहुने पनि बताए। ‘प्रतियोगितामा सबै टोलीले हारेको छ र पछिल्लो खेलको प्रदर्शनले फाइनलमा केहि फरक नपर्ला। हामीले १ खेल बढी खेलेर केहि फाइदा पुग्ने म देख्दिन, भोली मैदानभित्र गर्ने प्रदर्शन नै सबैभन्दा महत्वपूर्ण हुनेछ’, उनले अन्त्य गरे।
April 19, 2024
एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]
April 18, 2024
काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]
April 18, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]