7 years ago
April 22, 2017
धनगढी (हाम्रो खेलकूद) – टिम चौराहा धनगढीले धनगढी प्रिमिएर लिगको उपाधि जितेको छ। आज भएको फाइनलमा बिराटनगर किङसलाई ६२ रनको विशाल अन्तरले पराजित गर्दै स्थानीय टोली चौराहाले उपाधि जितेको हो। आरीफ शेखको उत्कृष्ट प्रदर्शनको मद्दतले १ सय ६० रनको लक्ष्य प्रस्तुत गरेको चौराहाले बिराटनगरलाई ९७ रनमा रोकेको थियो।
ठुलो लक्ष्य पछ्याएको बिराटनगरले चौथो ओभरमा आफ्नो ओपनर आसिफ शेखलाई गुमाएको थियो। आसिफ ३ रनमा सुशन भारीको बलमा आउट भएका थिए। अमित श्रेष्ठले २७ बलमा २६ रन बनाएका थिए भने अनिल साहले १३ रन जोडे। दिपेन्द्र सिंह ऐरीले पनि १३ रन जोड्दै मध्यक्रम सम्हाल्ने कोसीस गरेका थिए। तर लगातार विकेट खसेपछि बिराटनगरको जित्ने आशा पातलिंदै गएको थियो। कप्तान शरद २ रन जोड्दै आउट भएका थिए भने पवन शर्राफले पनि २ रन मात्र बनाए।
प्रनित थापा मगरले २२ बलमा २७ रन बनाएर केहि आशा जगाएपनि अर्को तर्फबाट साथ नपाऊँदा बिराटनगर हारतर्फ उन्मुख भएको थियो। बिराटनगरका जितेन्द्र मुखिया र सुशील कँडेलले खाता खोल्न सकेनन्। चौराहाका लागि सुशन भारीले ३ विकेट लिएका थिए भने सौरभ खनाल र आसिफ शेखले २/२ विकेट लिए। ललित राजवंशी र रामनरेश गिरीको नाममा १/१ विकेट रह्यो।
यसअघि टस जितेर पहिलो ब्याटिङ गरेको चौराहाले पनि राम्रो सुरुवात गर्न सकेको थिएन। ४ रनको स्थितिमा दुवै ओपनरलाई गुमाएको चौराहाले मध्यक्रमको ब्याट्सम्यानले उत्कृष्ट प्रदर्शन गरेपछि निर्धारित २० ओभरमा ५ विकेट गुमाउँदै १ सय ५९ रन जोडेको थियो। ओपनर राजु रिजाल शुन्यमा आउट भए भने अनिल कुमार मण्डलले २ रन मात्र जोडेका थिए। दुवै ओपनरलाई सुशील कँडेलली पेभेलियन फर्काएका थिए।
कप्तान पारस खड्का र पृथु बास्कोटाले तेश्रो विकेटका लागि ३३ रन जोड्दै पारीलाई सम्हालेका थिए। पृथु १४ रन जोड्दै आउट भएपछि आरिफले रनको गति बढाएका थिए। उनले कप्तान पारस खड्कासंग ५.३ ओभरमा ४४ रनको साझेदारी गरे भने पाँचौ विकेटका लागि अमर सिंह राउटेला संग मिलेर ४ ओभरमा ६३ रन जोडे। कप्तान पारस ३४ बलमा २९ रन जोड्दै प्रकाश बिष्टको बलमा क्याचआउट भएका थिए।
आरीफले प्रतियोगिताकै सबैभन्दा तेज अर्धशतक प्रहार गर्ने क्रममा ५४ रन जोडे। २८ बलमा अर्धशतक बनाएका आरीफले ४ चौका र ४ छक्का प्रहार गरेका थिए। पारीको अन्त्यतिर आएका अमर सिंह राउटेलाले आक्रामक ब्याटिङ गर्दै १५ बलमा अविजित ३१ रन बनाए भने सौरभ खनालले पनि अविजित रहँदै ५ बलमा १४ रन जोडे।
बिराटनगरका लागि सुशील कँडेलले २ विकेट लिए भने जितेन्द्र मुखिया, सन्दिप लामिछाने र प्रकाश बिष्टको नाममा १/१ विकेट रह्यो। सुरुको २ ओभर मेडन फालेका जितेन्द्रले अन्तिम २ ओभरमा ३१ रन खर्चेका थिए।
उत्कृष्ट प्रदर्शन गरेका आरीफ शेख म्यान अफ द म्याच भए।
May 8, 2024
एजेन्सी – इन्डियन प्रिमियर लिग (आइपिएल) क्रिकेटमा बुधबार सनराइजर्स हैदरावादले लखनउ सुपर जाइन्ट्समाथि सानदार जित दर्ता गरेको छ । हैदरावादले विष्फोटक ब्याटिङ गर्दै लखनऊ माथि १० विकेटको जित निकालेको हो । हैदरावादले १० ओभरमा एक विकेट नगुमाई १ सय ६६ रनको लक्ष्य पछ्याउँदै दुई अंक जोड्यो । हैदरावादका ओपनर ट्राभिस हेड र अभिषेक शर्माले सानदार […]
May 8, 2024
एजेन्सी – दिल्ली क्यापिटल्सले राजस्थान रोयल्समाथि जित दर्ता गर्दै इंडियन प्रिमियर लिग (आईपिएल) मा प्लेअफ पुग्ने आशा कायम राखेको छ । राजस्थान माथि २० रनको जित दर्ता गर्दै दिल्लीले प्लेअफ पुग्ने सम्भावना कायम नै राखेको छ । दिल्लीले दिएको २ सय २२ रनको विशाल लक्ष्य पछ्याएको राजस्थानले निर्धारित २० ओभरमा ८ विकेटको क्षतिमा २ सय […]
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]