मुम्बई (एजेन्सी) – अम्पायरको निर्णयप्रति असन्तुष्टि प्रकट गरेका मुम्बई इन्डियन्सका कप्तान रोहित शर्मालाई आफ्नो खेल शुल्कको ५० प्रतिशत जरिमाना लगाईएको छ ।
आइपीएल अन्तर्गत राइजिंग सुपर जाइन्ट्स पुनेसंगको खेल दौरान आम्पायरको निर्णय प्रति असन्तुष्ट रहदै विरोध गरेका रोहितलाई खेलको आचार संहिता उलंगन गरेको भन्दै म्याच रेफ्री जभगाल श्रीनाथले रोहितलाई दोषी पाएका हुन् । आचार संहिताको अनुच्छेद २.१.५ अन्तर्गत रोहितलाई दोषी ठहराइएको हो । रोहितले आरोप स्वीकारेका छन् ।
पुनेविरुद्धको खेलमा मुम्बईलाई अन्तिम ओभरमा १६ रन चाहिएको थियो । पहिलो बलमा हार्दिक पान्डेयालाई आउट गरेपछि दोस्रो बलमा रोहितले छक्का प्रहार गरेका थिए । खेलको तेस्रो बल अफ स्टम्प देखि निकै बाहिर आएपछि रोहितले त्यस बललाई ‘लिभ’ गरेका थिए तर अम्पायर सुन्दराम रभीले उक्त बल वाइड नदिदा रोहित उनीसंग बहस गरेपछि स्क्वायर लेगका अम्पायरले नन्द किशोरले उनलाई सम्झाएका थिए । त्यसको लगतै अर्को बलमा रोहित आउट भएपछि मुम्बईले खेल ३ रनले गुमाउनु परेको थियो ।
खेलको तेस्रो बल अफ स्टम्प देखि निकै बाहिर आएपछि रोहितले त्यस बललाई ‘लिभ’ गरेका थिए
आम्पायरले वाइड नदिएपछि रोहितले बहस गरेका थिए
