बेंगलोर (एजेन्सी) – इन्डियन प्रिमिएर लिग अन्तर्गत मंगलबार राती हुने भनिएको रोयल च्यालेन्जर्स बेंगलोर र सनराइजर्स हैदराबाद बिचको खेल वर्षाका कारण रद्द भएको छ।
खेल रद्द भएसंगै दुवै टोलीले १/१ अंक बाँडेका छन्। यस अंकसंगै तेश्रो स्थानमा रहेको हैदराबादको ८ खेलमा ९ अंक भएको छ भने रोयल च्यालेन्जर्स बेंगलोर ५ अंक बोक्दै छैठौं स्थानमा छ।
लिगको शीर्ष स्थानमा ८ खेलमा १२ अंक जोडेको मुम्बई इन्डियन्स रहेको छ भने १ खेल कम खेल्दै १० अंक जोडेको कोलकाता दोश्रो स्थानमा छ। दिल्ली र गुजरात समान ४/४ अंक बोकेर तालिकाको पुछारमा रहेका छन्।
