हैदराबाद (एजेन्सी) – जयदेव उनदकटले दोश्रो इनिङको अन्तिम ओभरमा ह्याट्रिक मेडन गरेपछि राइजिङ पुने सुपरजाएन्ट्सले सनराइजर्स हैदराबादलाई १२ रनको अन्तरले पराजित गरेको छ। जितको लागि अन्तिम ओभरमा १३ रन चाहिएको स्थितिमा उनदकटले ओभरको दोश्रो, तेश्रो र चौथो बलमा विकेट लिएका थिए।

पहिलो ब्याटिङ गरेको पुनेले निर्धारित २० ओभरमा ८ विकेट गुमाउदै १ सय ४८ रनको योगफल खडा गरेको थियो। पुनेका लागि अजिंक्य रहानेले २२ रन बनाए भने कप्तान स्टिभन स्मिथले ३४ रन बनाएका थिए। फर्ममा रहेका अलराउण्डर बेन स्टोक्सले २५ बलमा ३९ रन बनाए। महेन्द्र सिंह धोनीले पनि २१ बलमा ३१ रनको आक्रामक पारी खेलेका थिए। हैदराबादका सिद्धार्थ कलको नाममा ४ विकेट रह्यो।

जवाफी ब्याटिङमा उत्रिएको हैदराबादले राम्रो सुरुवातलाई निरन्तरता दिन नसक्दा हार व्येहोरेको थियो। कप्तान वार्नरले ३४ बलमा ४० रन बनाए भने युवराज सिंहले ४३ बलमा ४७ रन जोडे। शिखर धावनले १२ बलमा १९ रन बनाएका थिए। अन्य कुनै ब्याट्सम्यानले दोहोरो अंक जोड्न नसकेपछि पुनेले खेलमा पकड बनाएको थियो। उनदकटले अन्तिम ओभरमा ह्याट्रिक लिनुका साथै खेलमा पाँच विकेट पनि लिए। उनले यससंगै आइपिएलमा १०० विकेट पुरा गरेका थिए। स्टोक्सको नाममा पनि ३ विकेट रहेको थियो।