7 years ago
June 12, 2017
एजेन्सी – आइसीसी च्याम्पियन्स ट्रफी अन्तर्गत आइअबर भएको खेलमा दक्षिण अफ्रिकालाई ८ विकेटले पराजित गर्दै भारतले प्रतियोगिताको सेमिफाइनलमा स्थान पक्का गरेको छ।
पहिलो ब्याटिङ गरेको दक्षिण अफ्रीकाले राम्रो सुरुवात पाएपनि मध्यक्रमका ब्याट्सम्यान चल्न नसकेपछि ४५औं ओभरमा १ सय ९१ रन जोड्दै अलआउट हुन पुग्यो। क्विन्टन डे कक् र हसिम अमलाले ७६ रनको साझेदारी गर्दै टोलीलाई सुदृढ सुरुवात दिलाएका थिए। एक समय १४०/२को स्थितमा रहेको दक्षिण अफ्रीकाले ५१ रनको अन्तरमा आफ्नो अन्तिम ८ विकेट गुमाएपछि सामान्य योगफल खडा गर्यो।
ओपनर क्विन्टन डे कक्ले सर्वाधिक ५३ रन बनाए भने हासीम अमलाले ३५ र फाफ डु प्लेसिसले ३६ रनको योगदान दिए। एबी डे भिलिएर्स १६ रनमा रनआउट हुँदा जेपी ड्युमिनी २० रनमा अविजित रहे। अन्य कुनै ब्याट्सम्यानले दोहोरो अंक छुन सकेनन्।
भारतका लागि भुवनेश्वर कुमार र जस्प्रित बुमराहले २/२ विकेट लिएका थिए। रविचन्द्रन आश्विन, हार्दिक पाण्ड्या र रविन्द्र जडेजाले पनि १/१ बाँडे। दक्षिण अफ्रीकाका ३ ब्याट्सम्यान रनआउट भएका थिए।
१ सय ९२ रनको सामान्य लक्ष्य पछ्याएको भारतले ३८ ओभरमा लक्ष्य पुरा गर्यो। दोश्रो विकेटका लागि कप्तान विराट कोहली र शिखर धवनले १ सय २८ रनको साझेदारी गरेपछि भारतको सहज जित सम्भव भएको थियो। ओपनर रोहित शर्मा १२ रनमै पेभेलियन फर्केपछि धवनले ७८ रनको पारी खेलेर टोलीलाई अघि बढाए। कप्तान कोहली ७६ रनमा अविजित रहे भने युवराज सिंहले पनि अविजित २३ रनको योगदान दिए।
दक्षिण अफ्रिकाका लागि मोर्ने मोर्केल र इमरान ताहिरले समान १/१ विकेट लिए।
सेमिफाइनलमा भारतले बंगलादेशको सामना गर्नेछ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]