विश्व क्रिकेट लिगतथा अन्य अन्तर्राष्ट्रिय खेलका लागि मंगलबार संयुक्त अरब इमिरेट्स (युएई) गएको टोलीले बुधबार प्रशिक्षण गरेको छ|
पाकिस्तान र ओमानसँग एकदिवसीय, हङकङसँग दुईदिवसीय र स्थानीय क्लबसँग एकदिवसीय खेल्ने कार्यक्रम छ। नेपालले नोभेम्बर ५-६मा हंगकंग विरुद्ध दुइदिवसिय खेल्नेछ भने नोभेम्बर ८मा पाकिस्तान संग एकदिवसीय खेल्नेछ| नेपालले दनुबे लायेंस नामक स्थानीय क्लबसंग नोभेम्बर ११मा एकदिवसीय खेल्नेछ भने ओमान विरुद्ध नोभेम्बर १४ मा एकदिवसीय खेल्ने कार्यक्रम छ|
आइसिसी विश्व क्रिकेट लिग च्याम्पियनसिपअन्तर्गत पपुवा न्युगिनी (पिएनजी) विरुद्ध खेलका लागि नेपालले टोली सोमबार राति घोषणा गरिएको थियो| युएईमा नोभेम्बर १६ र १८ मा होम एन्ड अवेका आधारमा हुने लिगका लागि नेपाल क्रिकेट संघ (क्यान) ले सोमबार पारस खड्काको कप्तानीमा घोषित १६ सदस्यीय टोलीको उपकप्तानमा ज्ञानेन्द्र मल्ल छन्।
टोलीका अन्य खेलाडीमा सुवास खकुरेल, वसन्त रेग्मी, शक्ति गौचन, सागर पुन, अनिल मण्डल, सोमपाल कामी, करण केसी, महेश क्षेत्री, महबुब आलम, शरद भेषावकर, पृथु बास्कोटा, इर्साद अहमद, नरेश बुढाऐर र विक्रम सोब छन्। मुख्य प्रशिक्षक पुबुदु दासानायके पपुवा न्युगिनी बिरुद्धको खेलपछि पप्रशिक्षक पदबाट मुक्त हुनेछन| यसबाहेक सहायक प्रशिक्षकमा दीपन्द्र सिंह, टिम म्यानेजरमा वसन्त सत्याल, टेक्निकल एनालिस्टमा रमन सिवाकोटी र फिजियोमा श्रील भगत छन्।
बुधबारका प्रशिक्षणको फोटोहरु तल छन्| [फोटो साभार: क्यान]
