काठमाडौं (हाम्रो खेलकुद) – चितवन टाइगर्स र नेप्लो मार्ट राजधानीमा जारी एइसी कप इन्डोर क्रिकेट प्रतियोगितामा विजयी भएका छन् ।
कोटेश्वरस्थित अल्टिमेट इन्डोर क्रिकेट मैदानमा बुधबार भएको खेलमा चितवन टाइगर्सले गोरखा नाइटलाई २८ रनले तथा नेप्लो मार्टले नेपाल खेलकुद पत्रकार मञ्चको टोलीलाई ४७ रनले पराजित गरेको हो ।
चितवनले दिएको १ सय ३१ रनको लक्ष्य पछ्याएको गोरखाले निर्धारित १८ ओभरमा १ सय ४ रनमात्र बनाउन सक्यो । गोरखाका लागि सुमन पोखरेलले ३० रन तथा उद्धव थापाले १८ रन बनाए । चितवनका भगवान श्रेष्ठले चार विकेट लिए । यसअघि पहिले ब्याटिङ गरेको चितवनले निर्धारित १८ ओभरमा १ सय ३१ रन बनाएको थियो उसका लागि इशान पाण्डेले ३० तथा कृष्ण नेघीले २३ रनको योगदान दिए । गोरखाका सुमा पोखरेलले चार विकेट लिए । भगवान श्रेष्ठ खेलको म्यान अफ दि म्याच घोषित भए । यस्तै अर्काे खेलमा नेप्लो मार्टले खेलपत्रकार मञ्चको टोलीमाथि ४७ रनको जित निकाल्यो । ८८ रनको लक्ष्य पछ्याएको नेप्लोले निर्धारित १८ ओभरमा १ सय ३४ रन बनायो । नेप्लोका लागि विवेक श्रेष्ठले ३७ तथा शुभम पोखरेलले ३१ रन बनाए । मञ्चका निशान राईले तीन विकेट लिए । यसअघि पहिले ब्याटिङ गरेको मञ्चले दिपेन्द्र पोखरेलको २५ रनको मद्दतमा ८७ रन बनाएको थियो । यस्तै अन्य खेलमा ट्रिटन कलेजले तत्व फर्निसिङलाई १ सय १९ तथा कौस्तुव कलेजले ओमेघा कलेजलाई १ सय ५५ रनले पराजित गर्यो ।
प्रतियोगिता अन्र्तगत बिहिबारबाट क्वार्टरफाइनलका खेल हुनेछ ।
ट्रिटनले चितवन टाइगर्स, योर्स टेक्नोलोजीले कोस्तुव कलेज, काठमाडौं स्टार्सले राइजिङ नेपाल तथा किरण वारियर्सले नेप्लोमार्टको सामना गर्नेछ ।
