एन्टिग्वा (एजेन्सी) – वेस्ट इन्डिजसँगको तेस्रो एक दिवसिय अन्तर्राष्ट्रिय खेलमा शुक्रबार ७८ रन बनाएपछि भारतीय विकेट किपर ब्याट्सम्यान महेन्द्रसिंह धोनी सर्वाधिक रन बनाउने विकेट किपरको दोस्रो स्थानमा उक्लेका छन् । धोनीले अष्ट्रेलियाका पूर्व विकेट किपर एडम गिलक्रिस्टलाई पछि पारेका हुन् ।
धोनीले २ सय ९४ खेल खेल्दै ५१.३१ को औसतले ९ हजार ४ सय ४२ रन बनाएका छन् । अन्तर्राष्ट्रिय क्रिकेटबाट सन्यास लिइसकेका गिलक्रिस्टले २ सय ८२ खेलमा ३५.६४ को औसतमा ९ सय ४ सय १० रन बनाएका थिए ।
त्यस्तै ३ सय ६० खेलमा १३ हजार ३ सय ४१ रन बनाएका श्रीलंकाका कुमार संगाकारा सर्वाधिक रन बनाउने विकेट किपरको शीर्षस्थानमा छन् । संयास लिइसकेका संगाकाराले औसल ४३ भन्दा थोरै माथि छ ।
धोनी अविजित ७८ रनमा बनाउको शुक्रबारको खेलमा भारतले वेस्ट इन्डिजलाई ९३ रनले हराएको थियो । पाँच एक दिवसिय अन्तर्राष्ट्रिय क्रिकेट श्रृखंलामा भारतले २–० को अग्रता लिएको छ ।
