7 years ago
July 5, 2017
काठमाडौं (हाम्रो खेलकुद) – विशेष प्रशिक्षण र केही अभ्यास खेलको लागि भारतको नोयडा पुगेको नेपाली यु–१९ राष्ट्रिय क्रिकेट टिमले अभ्यास खेलमा लगातार दोस्रो जित निकालेको छ । नेपाली युथ टिमले बुधवार भएको दोस्रो अभ्यास खेलमा गुरूग्राम स्पोर्टस क्लबलाई २ सय ४९ रनको फराकिलो अन्तरले पराजित गरेको हो ।यसअघि नेपाली युवा टिमले मंगलबार भएको पहिलो अभ्यास […]
काठमाडौं (हाम्रो खेलकुद) – विशेष प्रशिक्षण र केही अभ्यास खेलको लागि भारतको नोयडा पुगेको नेपाली यु–१९ राष्ट्रिय क्रिकेट टिमले अभ्यास खेलमा लगातार दोस्रो जित निकालेको छ ।
नेपाली युथ टिमले बुधवार भएको दोस्रो अभ्यास खेलमा गुरूग्राम स्पोर्टस क्लबलाई २ सय ४९ रनको फराकिलो अन्तरले पराजित गरेको हो ।यसअघि नेपाली युवा टिमले मंगलबार भएको पहिलो अभ्यास खेलमा नेपालले फ्रेन्ड्स स्पोर्टस एकेडेमीलाई १ सय २१ रनको फराकिलो अन्तरले पराजित गरेको थियो ।
गौतम बुद्ध क्रिकेट मैदानमा बुधबार नेपालले दिएको ३ सय ३९ रनको लक्ष्य पछ्याएको गुरूग्राम स्पोर्टस क्लब २९.१ ओभरमा सबै विकेट गुमाएर ८९ रनमै समेटियो । उसका प्रताप सिंहले २८ रन तथा आकाश सिसोदियाले १८ रन बनाउनुबाहेक अन्य ब्याट्सम्यानको प्रदर्शन नेपाली बलर सामु निकै फितलो देखिएको थियो ।
गुरूग्राम स्पोर्टस क्लबलाई सस्तैमा समेट्न नेपालका पवन सर्राफ एक्लैले चार विकेट लिए । रोहित कुमार पौडेल र विक्रम कुमार भुसालले समान दुई–दुई विकेट हात पारे ।
यसअघि टस जितेर पहिले ब्याटिङ गरेको नेपाली युवा टोलीले आदिल खान र सन्दिप सुनारको अर्धशतक मद्दतमा ३ सय ३८ रनको फराकिलो योगफल तयार पारेको थियो । दुवै खेलाडीले अर्धशतक पुरा गरेको खेलमा नेपाली यु–१९ टिमले निर्धारित ५० ओभरको खेलमा ९ विकेट गुमाएर ३ सय ३८ रनको विशाल योगफल तयार पारेको थियो । आदिल खानले ७५ रनको महत्वपूर्ण इनिङ्स खेले । १ सय बलको सामना गरेका आदिलले २ चौका र २ छक्का प्रहार गरे । त्यस्तै, ओपनर सन्दिप सुनारले ५८ रनको अर्धशतकीय इनिङ्स खेले । ४७ बल खेलेका सन्दिपले ७ चौका र १ छक्का प्रहार गरे ।
मध्यक्रमका भरपर्दा ब्याट्सम्यान मानिएको दिपेन्द्र सिंह ऐरी अर्धशतक बनाउन बाट २ रनले चुके । पवन सर्राफ ४७ रन बनाएर पभेलियन फर्किए । मात्र २२ बलको सामना गरेका पवनले ३ चौका र ४ छक्का हिर्काए । प्रनित थापामगरले २८, सन्दिप लामिछानेले १७ र प्रकाश केसीले १२ रन बनाए । गुरूग्रामका मनिष राई, हिमांशु हरी, शिषपाल सिंह र प्रताप सिंहले समान दुई–दुई विकेट लिए ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]