टि.यु. क्रिकेट मैदानमा आज खेलिएको क्यान एघार र नेपाल टुरमा रहेको एम.सी.सी. बिचको खेलमा नेपाल पाँच विकेटले पराजित भएको छ|

ओपनर प्रकाश बिष्ट आउट भएपछि कप्तान राजेश पुलामी ब्याटिंग गर्न जादैं

टश जितेर पहिला ब्याटिंग रोजेको क्यान एघारले प्रदिप ऐरीको अर्धशतकको मद्दतले १५१ रनको विशाल योगफल खडा गर्न सफल रह्यो| आठ चौका र दुइ छक्का प्रहर गरेका ऐरीले ३४ बलमा ५६ रन बनाएका थिए| यसबाहेक मन्जित श्रेष्ठले २५(२०) र कप्तान राजेश पुलामी २२(२१) ले पनि मध्यक्रममा राम्रो योगदान दिए| नौ बलमा १७ रन बनाउदैं सोनु तामाङ्गले पनि अन्तिम ओभरमा एक चौका र एक छक्का प्रहार गरे| एम.सी.सी का लागि एलेक्स सेन्नेक, माइकल कोल्स, एलेक्स मक्कुईन्, निल डेक्स्तर र ग्रेग होल्म्सले एक एक विकेट लिए|

जवाफी ब्याटिंगमा उत्रेको एम.सी.सी.ले राम्रो सुरुवात गर्यो| ग्रेग होल्म्स र जोर्ज डायरले पहिलो विकेटका लागि ९२ रनको साझेदारी गरे| ११औं ओभरमा आउट हुनुपूर्व डायरले ३५ बलमा  पाँच चौका र एक छक्काको मद्दतले ४१ रन बनाए| अर्का ओपनर ग्रेग होल्म्स ३८ बलमा ५७ रन बनाउदैं रन आउट हुन पुगे| आशिष पोख्रेलको थ्रोमा अँ आउट हुनु अघि उनले नौ चौका प्रहार गरे| एक बल बाँकी हुदा लक्ष्य प्राप्त गरेको एम.सी.सीक लागि स्टर्म गरिन ले २४(२६) रन योगदान गर्नुबाहेक अन्य ब्याट्सम्यान चल्न सकेनन्| नेपालका लागि रुपेश श्रीवास्तब, सोनु तामाङ्ग र प्रदिप ऐरीले एक-एक विकेट लिए|