काठमाडौँ (हाम्रो खेलकुद) – आइसीसी यू१९ विश्वकपको एसिया क्षेत्र छनोट अन्तर्गत आज हुने अन्तिम खेलमा अफगानिस्तान र नेपाल भिड्दैछन्। खेलमा अफगानिस्तानले टस जितेर पहिलो ब्याटिङ रोजेको छ।
पछिल्ला ५ खेलमा टस जितेको नेपालले ४ खेलमा फिल्डिङ रोजेको थियो भने सिंगापुरविरुद्ध दोश्रो चरणमा ब्याटिङ रोजेको थियो। १० अंक बोकेर शीर्ष स्थानमा रहेको अफगानिस्तानले विश्वकपमा स्थान बनाउने लगभग पक्का भइसकेको छ। ८ अंक बोकेको नेपालभन्दा धेरै राम्रो रन रेट भएकाले नेपालले जित हात पारेपनि उक्त नतिजा पर्याप्त हुनेछैन।
नेपालले पछिल्लो खेलबाट २ परिवर्तन गरेको छ। पवन शर्रफ र आसिफ शेख टोलीमा फर्किएका छन् भने आदील खान र रिजन ढकाल बाहिरिएका छन्।
नेपालको प्लेइङ ११:
सन्दिप लामिछाने (कप्तान), दिपेन्द्र सिंह ऐरी, सन्दिप सुनार, प्रकाश केसी, आसिफ शेख, रोहित कुमार पौडेल, अनिल कुमार साह, पवन शर्राफ, प्रनित थापा मगर, शाहब आलम, किसोर महतो
सुरुवाती रोजाईमा नपरेका: ललित नारायण राजबंशी, रिजन ढकाल, आदील खान
