default_image

7 years ago

July 25, 2017

‘विश्वकप पुग्न नसक्नुमा ब्याटिङ मुख्य कारक’ – प्रशिक्षक दास

काठमाडौँ (हाम्रो खेलकुद) – आइसीसी विश्वकप छनोटको एसिया क्षेत्र अन्तर्गत अफगानिस्तान छनोटका सबै खेल जित्दै सन् २०१८को जनवरीमा हुने विश्वकपका लागि छनोट भयो। नेपालले छनोट प्रतियोगितामा ६ मध्ये ४ खेल जित्यो र अफगानिस्तान विरुद्धको २ खेलमा पराजय भोग्यो। प्रतियोगिताको समापनपश्चात प्रशिक्षक बिनोद दासले नेपाली टोलीको ब्याटिङ नचल्नु नै नेपालको छनोट नहुनुको मुख्य कारण रहेको बताए। […]

26 views

0 Bookmark

काठमाडौँ (हाम्रो खेलकुद) – आइसीसी विश्वकप छनोटको एसिया क्षेत्र अन्तर्गत अफगानिस्तान छनोटका सबै खेल जित्दै सन् २०१८को जनवरीमा हुने विश्वकपका लागि छनोट भयो। नेपालले छनोट प्रतियोगितामा ६ मध्ये ४ खेल जित्यो र अफगानिस्तान विरुद्धको २ खेलमा पराजय भोग्यो।

प्रतियोगिताको समापनपश्चात प्रशिक्षक बिनोद दासले नेपाली टोलीको ब्याटिङ नचल्नु नै नेपालको छनोट नहुनुको मुख्य कारण रहेको बताए। ‘हामीले यसपटक निकै खराब ब्याटिङ गर्यौं। प्रतियोगिता अवधिभर हामीले सोचेअनुरुप प्रदर्शन गर्न सकेनौं र लय समात्न असफल रह्यौं। हामीले मलेसिया र सिंगापुरसँग बलिङको भरमा जित हात पारेपनि अफगानिस्तानसँग भने खासै खेल्न सकेनौं।’

उनले अफगानिस्तान प्रतियोगिताको उत्कृष्ट टोलीका रुपमा विश्वकप पुग्न योग्य रहेको बताए। ‘अफगानिस्तान निसंकोच यस प्रतियोगिताको उत्कृष्ट टोली थियो। उनीहरुले निकै राम्रो क्रिकेट खेले। उनीहरुले आफ्नो क्षमता अनुसारको खेल देखाउन सके र सबै खेलमा निकै सहज जित हात पार्न सफल रहे। विश्वकप पुग्न अफगानिस्तान योग्य टोली भएको नतिजाले पनि ठहर गर्छ।’

उनले नेपालको प्रतियोगितामा गरेको प्रदर्शनलाई समग्रमा आफ्नो क्षमता अनुसारको प्रदर्शन गर्न नसकेको निर्क्यौल गरे। ‘हामीले बलिङमा राम्रो प्रदर्शन गरेपनि ब्याटिङमा भने क्षमता भन्दा धेरै तल्लो स्तरको खेल खेल्यौं। हामीले कुनै खेलमा पनि आफ्नो लय समात्न सकेनौं। हामीले सुधार गर्नुपर्ने धेरै क्षेत्र रहेको पनि बुझ्यौं। समयसंगै त्यसलाई सुधार गर्ने लक्ष्य हाम्रो छ।’

कप्तान सन्दिप लामिछानेको प्रदर्शनबारे बोल्दै उनले म्यान अफ द सिरिज बनेका स्पिनरको खुलेर प्रशंसा गरे। ‘सन्दिपले प्रतियोगिता भर उत्कृष्ट बलिङ प्रदर्शन गरे। उनले समग्रमा आफ्नो स्तर र क्षमता देखाउँदै उल्लेखनीय योगदान दिए। अन्तिम खेलमा मांशपेसीको चोटले केहि समय बलिङ गर्न सकेनन्। अन्तिममा मात्र उनले बलिङ गर्न सकेका थिए।’ सन्दिपले प्रतियोगिताका ६ खेलमा २४ विकेट लिएका थिए।

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

Success

Thank you for your time.