डम्बुला (एजेन्सी)– भारतले पहिलो एक दिवसिय अन्तर्राष्ट्रिय क्रिकेटमा आइतबार घरेलु टोली श्रीलंकालाई ९ विकेटले हराएको छ । भारतले पाँच एक दिवसिय श्रृखंलामा १–० को अग्रता बनाएको छ ।

२ सय १७ रनको मध्य लक्ष्य पछ्याएको भारतले २९ औं ओभरमा मात्र एक विकेट गुमाएर २ सय २० रन जोड्दै सहज जित र्दा गरेको थियो । भ्रमणकारी टोलीका लागि ओपनर शिखर धवनले सर्वाधिक १ सय ३२ र कप्तान विराट कोहलीले अविजित ८२ रन बनाएका थिए ।

त्यसअघि श्रीलंकाले पहिलो सफलताका रुपमा अर्का ओपन रोहित शर्मा (४) लाई पाँचौं ओभरको चौथो बलमा रन आउट पारेको थियो । म्यान अफ दी म्याच धवनले ९० बलमा २० चौका र ३ छक्का प्रहार गरे । त्यस्तै कोहलीले ७० बलमा १० चौका र १ छक्का प्रहार गरे । घरेलु टोलीका लागि कुनै बलरले प्रभावशाली प्रदर्शन गर्न सकेनन् । आक्रमण रुपमा ब्याटिङ गरेका धवनले दुई पटक जीवनदान पाएका थिए ।

त्यसअघि पहिले ब्याटिङव गरेको श्रीलंकाका लागि ओपनर निरोशन डिवेलाले अर्धशतक बनाएका थिए । उनले ७४ बलमा ८ चौकासहित ६४ रन बनाएका थिए । डिवेलाले पहिलिो विकेटका लागि दानुस्का गुनातिलकासँग ७४ रनको साझेदारी गरेका थिए । गुनातिलकाले ३५ रन बनाए । कुशल मेन्डिस र एंन्जोलो म्याथुजले समान ३६ रन जोडे । भारतका लागि अक्षर पटलले ३, केदार जादव, जसप्रित ब्रुमा र युजभेन्द चहालाले समान २ विकेट लिए ।