चेन्नई (एजेन्सी)– भारतले पहिलो एक दिवसिय क्रिकेटमा आज अस्ट्रेलियालाई २६ रनले हराएको छ । वर्षाका कारण ओभर घटाइएको खेलमा अस्ट्रेलियाले २१ ओभरमा १ सय ६४ रनको लक्ष्य पाएको थियो ।

 

 

 

भ्रमणकारी टोलीले २१ ओभरमा ९ विकेट गुमाएर १ सय ३७ रन मात्र बनाउन सक्यो । अस्ट्रेलियाका ८ खेलाडीले दोहोरो अंकमा रन बनाउन नसकेपछि टोलीले हार बेहोरर्नु पर्यो । टोलीका डेभिड वार्नरले २५, ग्लेन म्याक्सवेलले १८ बलमा ३९ रन र जेम्स फक्नरको ३२ रन बनाएका थिए । ् भारतका लागि युजभेन्द्र चाहालले ३ विकेट लिए । कुलदिप यादव र हार्दिक पान्डेयाले समान २ तथा भुवनेश्वर कुमार र र जस्प्रित बुम्राहले समान १ विकेट लिए ।

त्यसअघि टस जितेर पहिले ब्याटिङ गरेको भारतले भारतले ११ रनमा ३ विकेट महत्वपूर्ण विकेट गुमाएको थियो । तर पूर्व कप्तान महेन्द्र सिंह धोनी र हार्दिक पान्डेयाको इनिङ्स सम्हालेपछि भारतले निर्धारित ५० ओभरमा ७ विकेट गुमाउँदै २ सय ८१ रन सम्मानजनक योगफल तयार पारेको थियो ।

धर्यपूर्वक ब्याटिङ धोनीले ८८ बलमा ७९ रन बनाए । पान्डेयाले बिष्फोटक ब्याटिङ गर्दै ६६ बलमा ८३ रन बनाए । त्यस्तै केदार जादवले ४० र भुवनेश्वर कुमारले वोर कुमारले ३२ रन जोडे । अस्ट्रेलियाका लागि नाथन कट्लरले ३ , मार्कस स्टोइनेसले २ तथा जेम्स फक्नर र एडम जाम्पाले समान १ विकेट लिए ।