काठमाडौं (हाम्रो खेलकुद ) – नेपाली राष्ट्रिय टिमका प्रशिक्षक जगत टमाटाले खेलाडीहरुको भविष्य हङकङसँगको दुई खेलमा जोडिएको बताएका छन् ।
सोमबार बिदाई पछि प्रशिक्षक टमाटाले हङकङविरुद्धको दुई खेल नेपाली क्रिकेटका लागि महत्वपूर्ण रहेको भन्ने सबैलाई थाहा रहेको र यही दुई खेलमा खेलाडीको करियर जोडिएको बताएका हुन् । ‘हामीले दुई महत्वपूर्ण खेलका लागि एक महिनाको प्रशिक्षण गरेका छौं ।
हङकङविरुद्धको खेलको लागि टिमलाई कुनै दबाव छैन ।’ प्रशिक्षक टमाटाले भने, ‘सानो मैदान भएकाले कन्डिसन फरक रहेकाले त्यसलाई दुई दिनको प्रशिक्षणले पूरा गर्नेछौं । हङकङमा खेल्नको लागि एबीसी प्लानिङ रहेको र राम्रो भन्दा राम्रो क्रिकेट खेल्ने प्रयास गर्नेछौं ।’ यस्तै प्रशिक्षक टमाटाले दुवै टिमलाई आ–आफ्नो कमी कमजोरी थाहा रहेकाले नतिजा आफ्नै पक्षमा आउनेमा विश्वस्त रहेको बताए ।
