अकल्याण्ड (एजेन्सी) – अन्तर्राष्ट्रिय क्रिकेट काउन्सिल (आईसीसी)ले टेष्ट च्याम्पियनसिप र एकदिवसीय लिग गराउने निर्णय गरेको छ ।
अकल्याण्डमा सम्पन्न गभर्निङ बडीको बैठकले टेष्ट च्याम्पियनसिप र एकदिवसीय लिग गराउने निर्णय गरेको हो । तर, यो प्रस्तावमा अन्तिम निर्णय हुन बाँकी छ । यो सन् २०१९ को एकदिवसीय विश्वकप पछि टेष्ट बरियताका शीर्ष ९ टोलीले दुई वर्षसम्म अर्थात अप्रिल २०२१ सम्म होम एण्ड अबेका आधारमा टेष्ट विश्व च्याम्पियनसिपमा खेल्नेछन् ।
प्रतियोगिताको शीर्ष दुई टोलीले च्याम्पियनसिपको फाइनल खेल्नेछ । सिरिजमा कम्तिमा २ देखि बढीमा ५ टेष्ट म्याच सामेल हुनेछ । त्यसैगरी एकदिवसीय लिग बरियताअनुसार १३ टोलीले खेल्नेछन् । यो सिरिज सन् सन् २०२१ बाट शुरु हुनेछ ।
सिरिज दुई वर्षको हुनेछ । ०२३ को एकदिवसीय विश्वकपपछि सिरिजलाई तीन वर्षमा विस्तार गरिनेछ । यसबीचमा प्रत्येक टोलीले आठ सिरिज खेल्नेछन् । प्रत्येक सिरिजमा बढीमा तीन खेल हुनुपर्नेछ ।
यस्तै आइसीसीले टेष्ट खेलहरु चार दिनको गराउने प्रस्ताव अघि सारेको छ । यो सबै इंग्ल्याण्डमा हुने विश्वकपपछि मात्रै लागु हुनेछ ।
